Shymkent qalasynda aýa raıynyń kúrt jylynyp ketýine baılanysty sýǵa shomylý maýsymy ózge óńirlerge qaraǵanda erte bastalyp ketedi. Resmı túrde shomylý maýsymy ashyq dep jarııalanbasada búginde balalar sýǵa shomylýdy bastap ketken. Osyǵan oraı, tótenshe jaǵdaılar departamenti sýǵa shomylý maýsymyna daıyndyq jáne qaýipsizdik sharalary jóninde aıtyp, qaýipsizdik erejelerin saqtaýǵa shaqyrady.
Qaýipsizdik adam ómirindegi eń mańyzdy faktordyń biri bolyp tabylady. Osy oraıda, atalmysh departament óz quzyry aıasynda óńirdiń sý aıdyndarynda eresekter men balalar ólimine jol bermeý sharalaryn qamtamasyz etedi. Shymkent qalasynyń aýmaǵynda qazirgi tańda sýǵa shomylýǵa ruqsat etilgen 5 demalys aımaǵy bar. Olar Toǵys sý qoımasyndaǵy «Holodılnık» demalys orny, Badam sý qoımasyndaǵy «Rahat Badam» demalys orny, Qoshqar ata ózeniniń bastaýy, Shymkent memlekettik dendrologııalyq saıabaǵyndaǵy kól men «Jaılaýkól» (Tulpar). Atalǵan demalys aımaqtarynyń ıeleri demalýshylardyń qaýipsizdigine tikeleı jaýapty bolady.
Tótenshe jaǵdaılar departamentimen qazirgi kezde sýdaǵy qaýipsizdik is-sharalaryna baılanysty jergilikti organdarmen birigip jumys júrgizilýde. Sonymen qatar, qala kóleminde Departament qyzmetkerlerimen «Qaýipsiz jaz» akııasy aıasynda buqaralyq aqparat quraldary arqyly maqalalar jarııalanyp, suhbattar uıymdastyrylyp, halyqpen áńgimelesý jumystary júrgizilýde.
Budan bólek, Departamenttiń qurylymdyq bólimsheleri aýdandyq polıııa basqarmalarynyń qyzmetkerlerimen birlesip shomylý maýsymy aıasynda kúndelikti reıdtik is-sharalar júrgizetin bolady. Bilim basqarmasymen birlesip, «Sýdaǵy qaýipsizdikti qamtamasyz etý maqsatynda WhatsApp áleýmettik jelileri arqyly mektepter men balabaqshalardyń «Ata-analar» toptaryna jadnamalar men beınerolıkter ornalastyrý jumystary belsendi túrde júzege asyrylýda.
Shymkent qalasy ákimdiginiń baspasóz qyzmeti
