Búgingi Úkimet otyrysynda QR Ulttyq ekonomıka mınıstri Áset Erǵalıev ekonomıkanyń 7 kórsetkishi boıynsha eki óńir ǵana ósim kórsetkenin aıtty. Onyń aıtýynsha, ekonomıkanyń 7 kórsetkishi boıynsha oń ósim Shymkent qalasy jáne Mańǵystaý oblysynda baıqalyp otyr. Al, 6 kórsetkish boıynsha bes óńirde ósim tirkelgen eken. Olar: Aqmola, Aqtóbe, Jambyl, Qaraǵandy jáne Qostanaı oblystary.
Mınıstr saýda jáne kólik boıynsha jaǵdaı jaqsaryp kele jatqanyn, bul óńirlerdegi iskerlik belsendiliktiń artqanyn aıǵaqtaıtynyn basa aıtty. «Saýda boıynsha 13 óńirde ósim baıqalady. Bul rette bólshek saýda 6,2 paıyzǵa ósip, ishki suranystyń qalpyna kelýin kórsetedi. Atyraý oblysynan basqa, Mańǵystaý oblysy jáne Shymkent qalasynyń kólik salasy boıynsha qyzmet kórsetý jaqsardy», - dedi Áset Erǵalıev.
Sondaı-aq, QR Ulttyq ekonomıka mınıstri Áset Erǵalıev ekonomıkalyq ósimdi qalpyna keltirý úshin iri kompanııalarmen ınvestıııalyq kelisimderdi iske asyrýǵa, aýyl sharýashylyǵy jáne qurylys-montaj jumystarynyń maýsymyn belsendi ótkizýge jáne «Jumyspen qamtý jol kartasy» men «Eńbek» baǵdarlamalary aıasynda targettelgen turaqty jumys oryndaryn qurý qajettigin aıtty.
Shymkent qalasy ákimdiginiń baspasóz qyzmeti
