Kışkene qyz jūdyryqtai jüregınıŋ oŋ jaq tūsynda ornalasqanyn da jaqsy bıledı eken. Öitkenı anasy ünemı aityp otyratyn körınedı. Būl turaly "Adyrna" ūlttyq portaly Euraziia bırınşı arnasyna sılteme jasap habarlaidy.
Aǧles - öte sezımtal qyz. Oiy jüirık, aitqan närseŋdı tez jattap, lezde qaǧyp alady. Öleŋ oquda elgezektıgı bırden baiqalady. Al esepterdı şyǧaruǧa kelgende qamşy saldyrmaidy eken. Ata-anasy, bauyr etınıŋ erekşe qasietın böbekjaiǧa barǧanda-aq baiqapty. Al, köz quanyşynyŋ alaqandai jüregı oŋ jaq keudesınde ornalasqanyn perzenthanada bılgen. Äuelı estıgınde taŋǧalypty. Qobalju, qorqu, tolqu bolǧan. Tıptı, jaqyndarynyŋ kümänmen qaraǧanyn da jasyrmady.
"Basynda jaqsy qabyldaǧan joq. Kışkene balaǧa müsırkep qarap, aiap degen siiaqty. Keiın barlyǧy jaqsy ekenın bılgennen keiın olar da üirenıp kettı. Al oǧan deiın, ärine, boldy. Astanaǧa deiın baryp, tekseruden ötıp kelgenbız. Öitkenı bır jasqa deiın köp auyrdy. Qazır bärı ūmytyldy", - dedı anasy Ūljan Aqjarova.Dese de är 3 ai saiyn jüregı men büiregın medisinalyq tekseruden ötkızıp tūratyn körınedı. Därıgerler de uaiymdauǧa eş negız joq dep otyr. Jürektıŋ oŋ jaqta ornalasuy - tuabıttı jaratylys. Sirek kezdesetın qūbylys. Sol sebeptı qauıptenudıŋ qajetı joq.
"Mysaly, müşenıŋ kerısınşe ornalasatyn kezı bolady. Būl müşenıŋ ysyryluyna bailanysty. Ol tuǧannan keiın kerısınşe ösedı. Jäne ol qauıp töndıruı mümkın. Al qazırgı uaqytta būl balada ondai qauıptılık joq. Iаǧni, eşqandai müşe ysyrylyp jatqan joq. Ol özı solai bıtken", - dedı jeke menşık emhananyŋ bas därıgerı Serık Qasym.Jas ananyŋ aituynşa, mūndai erekşe jaǧdai tūqymynda alǧaş ret kezdesıp otyr. Jüregı meilı oŋ jaǧynda nemese sol jaǧynda ornalassyn, eŋ bastysy qyzym aman-sau, baqytty bolsyn deidı.
"Adyrna" ūlttyq portaly
Ūqsas jaŋalyqtar
