Nazarbayev University zertteuşıler toby jürek-qan tamyrlary aurularyn diagnostikalaudy jaŋa deŋgeige şyǧaratyn bıregei zertteu jürgızıp, Amerikalyq jürek qauymdastyǧynyŋ nazaryn audardy.
Älemde alǧaş ret ǧalymdar jürek jūmysynyŋ jaŋa biomarkerı — gemodinamikalyq küşterdı — ekı vizsalizasiialau ädısımen: ultradybystyq ehokardiografiia jäne magnittık-rezonanstyq tomografiia (MRT) arqyly bır uaqytta salystyrdy.
Zertteu nätijelerı Nature: Scientific Reports jurnalynda jariialanyp, AQŞ-tyŋ Jaŋa Orlean qalasynda ötken American Heart Association 2025 konferensiiasynda tanystyryldy. Zertteuge bır ǧana toptan qūralǧan denı sau erıktıler qatysty, būl ekı ädıstıŋ körsetkışterın däl salystyruǧa mümkındık berdı. Ǧalymdar ultradybystyq zertteu MRT-men salystyrǧanda jüielı türde tömen körsetkış beretının anyqtady. Būl ekı ädıstıŋ mälımetterın bır-bırın almastyratyn körsetkış retınde qoldanuǧa bolmaitynyn körsetedı — klinikalyq interpretasiiada būl aiyrmaşylyqtar mındettı türde eskerıluı tiıs.
Gemodinamikalyq küşter jürek qyzmetınıŋ bastapqy būzylystaryn anyqtauda maŋyzdy körsetkış boluy mümkın, sebebı olar simptomdar paida bolmai tūryp-aq, aqaudy anyqtauǧa mümkındık beredı. Qazaqstandyq zertteuşılerdıŋ arqasynda alǧaş ret denı sau adamdarǧa arnalǧan osy körsetkışterdıŋ etalondyq mänderı anyqtaldy — endı būl körsetkışterdı älem mamandary qoldana alady.
Būl jūmys jürek-qan tamyrlary jüiesın vizualizasiialau salasyndaǧy bolaşaq zertteuler üşın jaŋa baǧyt qalyptastyrady. Mūndai zertteu älemde alǧaş ret jürgızılıp otyr jäne Qazaqstanda älemdık ǧylymi standarttarǧa sai zertteuler jasalyp jatqanyn däleldeidı.
«Amerikandyq jürek assosiasiiasynyŋ moiyndauy Nazarbayev University-de jürek-qan tamyrlary medisinasynda damyp kele jatqan zertteulerdıŋ joǧary deŋgeiın jäne bızdıŋ älemdık ǧylymǧa qosqan ülesımızdı körsetedı», — deidı NU Medisina mektebınıŋ zertteuşısı Aijan Janqorazova.
