Şymkent epidemiologiialyq jaǧdai boiynşa «Sary aimaqqa» kırdı

Şymkent qalalyq sanitarlyq-epidemiologiialyq baqylau departamentınıŋ basşysy Äbdımanap Tölebaev qaladaǧy epidemiologiialyq ahual boiynşa baspasöz brifingın ötkızdı. Departament basşysynyŋ aituynşa, COVID-19 jūqtyru jaǧdailarynyŋ tırkeluı boiynşa 26 säuırden bastap Şymkent qalasy «sary aimaqqa» kırdı. Epidemiologiialyq jaǧdaidy baǧalau matrisasyna säikes, 15 säuırden bastap bügınge deiın «qyzyl aimaqta» bolǧan edı. – Şymkent qalasynda säuır aiynyŋ 25 künınde 2131 jaǧdai tırkelıp, auyrǧandardyŋ sany 4,5 esege östı. Nauryz aiynda eseptı kezeŋde 473 jaǧdai tırkelgen edı. Epidemiologiialyq zerdeleu barysynda nauqastanǧandardyŋ 29,3 paiyzy auyrǧan adammen qarym-qatynastaǧylardan anyqtaldy. Qalǧandary karantindık saqtyq şaralaryn saqtamaǧandyqtan ındetke şaldyqqan. Jyl basynan berı anyqtalǧan 3475 nauqastyŋ 32,4 paiyzy ülken sauda üilerge, dükenderge, 20,1 paiyzy bazarlarǧa, 18,2 paiyzy qoǧamdyq kölıkterde jäne türlı jiyndarǧa barǧanda jūqtyrǧan, – dedı departament basşysy. Sondai-aq, departament basşysynyŋ mälımetınşe, sanitarlyq-epidemiiaǧa qarsy ıs-şaralardyŋ oryndaluy boiynşa tūraqty negızde sanitarlyq-aǧartu jūmystary jürgızılude. 2021 jyldyŋ 1-qaŋtarynan bastap, 25-säuırge deiın 451 sanitarlyq-aǧartu jūmystary atqarylyp, 12338 nysan tüsındıru jūmystarymen qamtyldy. Şymkent qalasy äkımdıgınıŋ baspasöz qyzmetı ➖➖➖➖➖➖➖➖➖➖➖➖➖➖➖➖