Şymkent qalasyna jyl basynan berı köşıp kelgen 340 otbasyndaǧy 464 azamatqa qandas märtebesı berıldı. Elge oralǧandardyŋ basym köpşılıgı, iaǧni 448 adam körşı Özbekstan Respublikasynan qonys audarǧan. Sondai-aq, atajūrtqa Auǧanstan, Qytai jäne Resei elınen de qandastarymyz köşıp kelıp, qalanyŋ är audanyna qonystanyp otyr.
Alys-jaqyn şetelden köşıp kelgen qandastardy qoldau maqsatynda qalada 11 jyldan berı Jūmyspen qamtu jäne äleumettık qorǧau basqarmasyna qarasty «Qandastardy beiımdeu jäne yqpaldastyru ortalyǧy» qyzmet körsetude. Ortalyq mamandary QR zaŋnamasyna säikes, elge oralǧan azamattarǧa 6 ai merzımde beiımdeu jäne yqpaldastyru qyzmetterın ūsynady.
Qazırgı taŋda mūnda 14 otbasy qūramyndaǧy 29 adam elge beiımdelude. Tıptı türlı mamandyqtar boiynşa tegın oqu kurstary qarastyrylǧan. Qandastarǧa barlyq sūraqtary boiynşa aqparattyq baǧytta tüsındıru jūmystary jürgızılude.
Şymkent qalasy äkımdıgınıŋ baspasöz qyzmetı
