Şymkent qalasyndaǧy 28 medisina ūiymy «Aqyldy emhana» jüiesıne köşıp jatyr. Būl turaly qalalyq densaulyq saqtau basqarmasynyŋ basşysy B.Pazilov qala äkımı aldyndaǧy eseptı jiynda aitty.
Osy jyldyŋ bırınşı toqsanynda atqarylǧan ıs-şaralar jaiyn baiandaǧan basqarma basşysy qaladaǧy medisina salasyn sifrlyq tehnologiiaǧa köşıru jūmystary qarqyn alǧanyn atap öttı.
Mäselen, joǧaryda atalǧan emhanalarǧa QR kod jüiesı ornatylyp jūmys jürgızılude. QR kod qosymşasy arqyly nauqastar därıgerdıŋ qabyldauyna jazylyp, medisina mamanyn üiıne şaqyruyna bolady. Eŋ maŋyzdysy – ūsynystar, aryz-şaǧym men talaptar qaldyruǧa da jaǧdai jasalǧan.
Sonymen qatar, emhanalar «DamuMed» medisinalyq aqparattyq jüiesımen jūmys jürgızude. Şaharda mobildık qosymşany paidalanuşylar – 201 780 adam. Elektrondyq densaulyq pasporttary 1052849 pasientke toltyrylǧan. Būl – qala halqynyŋ 97,8 %-y.
Şymkent qalasy äkımdıgınıŋ baspasöz qyzmetı
