Şymkent qalasy Tūrǧyn üi basqarmasynyŋ I-toqsanda atqarylǧan jūmystary turaly esebı tyŋdaldy. Basqarma basşysy Azamat Rysjanovtyŋ aituynşa, 2021 jyldyŋ I - toqsannyŋ qorytyndysy boiynşa 2 796 (är aida 932) azamat tūrǧyn üi kezegıne tırkeldı. Şymkent qalasy boiynşa tūrǧyn üi alu tızımınde 43 906 azamat bar.
2021 jyldyŋ basynda 976 otbasyny arendalyq pätermen qamtu josparlanǧan bolatyn. Bügıngı taŋda jūmys ısteitın jastarǧa 300 päter boiynşa tūrǧyn üi komissiianyŋ şeşımı qabyldanyp, päterlerdıŋ kıltterı berılıp jatyr. 1 säuırde 161 päter boiynşa tūrǧyn üi komissiiasynyŋ şeşımı şyqty. Būl rette jetım balalarǧa 10 päter, köpbalaly otbasylarǧa 106 päter, halyqtyŋ äleumettık jaǧynan älsız tobyna 45 päter berıledı. Komissiianyŋ kelesı otyrysy mamyr aiynda ötedı dep kütılude.
2021 jyldyŋ soŋyna deiın kezekte tūrǧan azamattardy baspanamen qamtamasyz etu üşın 1 580 päter satyp alu josparlanǧan. Päter satyp aluǧa 22,5 mlrd teŋge qarjy bölındı. Naryqtaǧy jeke qūrylys saluşylardyŋ tızımı anyqtalyp, taldau jūmystary jürgızılude.
Jyl soŋyna deiın kredittık negızde 4 197 otbasyny pätermen qamtu közdelude. 2021 jyly mamyr aiynda jergılıktı biudjet esebınen bastapqy jarna üşın, 300 mln teŋgege deiın (är azamatqa 1 mln teŋgege deiın) tūrǧyn üi sertifikattaryn beru josparda.
Sonymen qatar, 2021 jyly jergılıktı biudjet esebınen bölıngen 6 mln teŋgege «Tūrǧyn üi sertifikattaryn beru» memlekettık körsetıletın qyzmetı avtomattandyryldy. Būl qyzmet boiynşa azamattardyŋ qūjattaryn qabyldau – aqparattyq jüienıŋ www.kezekte.kz saity arqyly jüzege asyrylatyn bolady.
Tūrǧyn üiler tek zaŋ aiasynda, elektrondy kezekpen jüzege asyrylyp jatqanyn habarlaimyz.
Şymkent qalasy äkımdıgınıŋ baspasöz qyzmetı
