Shymkentte «Egemen Qazaqstan» kóshesi ashyldy

2305
Adyrna.kz Telegram

Shymkent qalasynda endi «Egemen Qazaqstan» kóshesi bar. Búgin Qarataý aýdany, Bozaryq saıajaıynda «Egemen Qazaqstan» kóshesi ataýyn berýge arnalǵan saltanatty is-shara ótti. Jıynǵa halyqaralyq "Alash" syılyǵynyń ıegeri, jazýshy-jýrnalıst, Marhabat Baıǵut, Shymkent qalasy máslıhatynyń depýtaty Nurǵazy Buharbaev, «Egemen Qazaqstan» respýblıkalyq gazeti AQ basqarma tóraǵasy Darhan Qydyráli qatysty.

Nur-Sultan qalasynda «Egemen Qazaqstan» atty kóshe ashylǵan bolatyn. Júz jyldan astam tarıhy bar respýblıkalyq basylymnyń atyna úshinshi megapolıste kóshe ataýy berilip otyr. Ult rýhanııatyn ulyqtaǵan shymkenttikterdiń bul bastamasy «Rýhanı jańǵyrýdyń» jarqyn kórinisi desek bolady.

Jazýshy-jýrnalıst Marhabat Baıǵut
kóshe ataýyn berýge arnalǵan saltanatty jıyndy ashyp, quttyqtaý sóz sóıledi. Qalamger júz jyldan astam tarıhy bar, elimizdiń bas basylymynyń qurmetine kóshe ataýy berilýi ult rýhanııatynda mańyzy zor is-shara ekenine toqtaldy.

Shymkent qalasy máslıhaty men ákimdiginiń birlesken qaýlysymen 2021 jyldyń 18 naýryz kúni qalanyń ataýy joq 325 kóshesine qazaqtyń belgili Ońtústiktegi eldi-mekenderdiń ataýlary, jer-sý ataýlary, roman, epos, halyq ánderi jáne tanymal baspalardyń ataýlary berildi. Qarataý aýdany Bozaryq saıajaıyndaǵy 65 kóshe «Ana tili», «Jas alash», «Abaı joly», «Qamar sulý», «Balhadısha», «Aqbilek» jáne taǵy basqa ataýlarmen atalady.

Sonymen qatar, máslıhat depýtaty N.Buharbaev, «Egemen Qazaqstan» respýblıkalyq gazeti» AQ Basqarma tóraǵasy D.Qydyráli de is-sharanyń mańyzdylyǵyn atap ótip, izgi tilekterin jetkizdi.

Shymkent qalasy ákimdiginiń baspasóz qyzmeti

 

 

Pikirler