Şymkent qalasynda endı «Egemen Qazaqstan» köşesı bar. Bügın Qaratau audany, Bozaryq saiajaiynda «Egemen Qazaqstan» köşesı atauyn beruge arnalǧan saltanatty ıs-şara öttı. Jiynǧa halyqaralyq "Alaş" syilyǧynyŋ iegerı, jazuşy-jurnalist, Marhabat Baiǧūt, Şymkent qalasy mäslihatynyŋ deputaty Nūrǧazy Būharbaev, «Egemen Qazaqstan» respublikalyq gazetı AQ basqarma töraǧasy Darhan Qydyrälı qatysty.
Nūr-Sūltan qalasynda «Egemen Qazaqstan» atty köşe aşylǧan bolatyn. Jüz jyldan astam tarihy bar respublikalyq basylymnyŋ atyna üşınşı megapoliste köşe atauy berılıp otyr. Ūlt ruhaniiatyn ūlyqtaǧan şymkenttıkterdıŋ būl bastamasy «Ruhani jaŋǧyrudyŋ» jarqyn körınısı desek bolady.
Jazuşy-jurnalist Marhabat Baiǧūt
köşe atauyn beruge arnalǧan saltanatty jiyndy aşyp, qūttyqtau söz söiledı. Qalamger jüz jyldan astam tarihy bar, elımızdıŋ bas basylymynyŋ qūrmetıne köşe atauy berıluı ūlt ruhaniiatynda maŋyzy zor ıs-şara ekenıne toqtaldy.
Şymkent qalasy mäslihaty men äkımdıgınıŋ bırlesken qaulysymen 2021 jyldyŋ 18 nauryz künı qalanyŋ atauy joq 325 köşesıne qazaqtyŋ belgılı Oŋtüstıktegı eldı-mekenderdıŋ ataulary, jer-su ataulary, roman, epos, halyq änderı jäne tanymal baspalardyŋ ataulary berıldı. Qaratau audany Bozaryq saiajaiyndaǧy 65 köşe «Ana tılı», «Jas alaş», «Abai joly», «Qamar sūlu», «Balhadişa», «Aqbılek» jäne taǧy basqa ataularmen atalady.
Sonymen qatar, mäslihat deputaty N.Būharbaev, «Egemen Qazaqstan» respublikalyq gazetı» AQ Basqarma töraǧasy D.Qydyrälı de ıs-şaranyŋ maŋyzdylyǧyn atap ötıp, ızgı tılekterın jetkızdı.
Şymkent qalasy äkımdıgınıŋ baspasöz qyzmetı
