Bügın Şymkent qalasynda pandemiiaǧa bailanysty qūrylǧan jedel ştabtyŋ kezektı otyrysy öttı. Jiynda megapolistıŋ COVID-19-ǧa qarsy ıs-qimyldyŋ jüielı mäselelerı men keşe 1 säuır künı elımızdegı epidemiologiialyq ahualǧa bailanysty ötken keŋes barysynda Memleket basşysynyŋ bergen tapsyrmalarynyŋ oryndalu barysy qarastyryldy.
Şymkentte epidemiologiialyq jaǧdaidyŋ kürdelene tüskenın aitqan qala basşysy tūrǧyndar arasynda maska rejimı men äleumettık qaşyqtyqty qataŋ saqtau boiynşa tüsındıru jūmystaryn küşeitudı jäne qala tūrǧyndaryn adam köp şoǧyrlanǧan jerge barudan bas tartuǧa şaqyrdy.
«Soŋǧy ekı täulıkte şaharda ındet jūqtyrǧan 147 nauqas tırkelgen. Būl körsetkış kün saiyn artyp otyr. Sondyqtan Şymkent qalasy koronavirustyŋ taraluy boiynşa «sary aimaqqa» endı. Būl qauıptı ındetten qorǧanudyŋ bırden-bır joly koronavirusqa qarsy vaksinasiiany qabyldau. Sondyqtan sala mamandary osy baǧyttaǧy jūmystardy küşeitıp, halyq arasynda tüsındıru jūmystaryn küşeitu kerek»,-dedı qala äkımı.
Densaulyq saqtau basqarmasynyŋ basşysy B.Pozilovtyŋ habarlauynşa, bügınde Şymkent qalasynda jalpy koronavirusqa qarsy ekpenıŋ 1-şı komponentı 7400 adamǧa, al, ekınşı komonentı 3385 adamǧa egılgen eken. Sonymen qatar ol infeksiiaǧa qarsy vaksinasiialau jūmystary qaladaǧy 26 emdeu mekemesınde jäne demalys künderı de jürgızılıp jatqanyn aitty. Būǧan qosa qosymşa 10 bastapqy medisinalyq-sanitariialyq alǧaşqy kömek körsetu ūiymdarynda ekpe jasau üşın arnaiy kabinetter daiyndalǧan.
Qala äkımı Mūrat Äitenov qalada koronaviruspen kürestıŋ 3 ssenariiı äzırlengenın aityp, ötken jylǧy qatelıkterdıŋ oryn almauyn basa aitty.
«Qazır A ssenariiı boiynşa jūmys jürgızılıp jatyr. Būl ssenarii boiynşa 1380 tösek-oryn daiyn. B jäne S ssenariilerı boiynşa 5 myŋ tösek-orynǧa jetkızuımız kerek. Är aimaqqa jetken kezde tiıstı qūral-jabdyqtarmen, därı-därmektermen qamtamasyz etu bas därıgerlerdıŋ mındetı.
Sonymen bırge olar nauqastardy qabyldau algoritımın äzırleuı tiıs. Adamdardyŋ jinalyp qaluyn jäne kezek kütpeuın qamtamasyz etuı kerek. Daiyndyqtar pysyqtalyp, kemşılıkter anyqtalyp, şeşım joldary qaralsyn»,-dedı M.Äitenov.
Osy tūsta qalanyŋ bas därıgerı koronavirus infeksiiasyna şaldyqqan nauqastardy emdeu üşın qaladaǧy medisinalyq ūiymdarda qajettı jaǧdaidyŋ barlyǧy jasalǧanyn atap öttı. Ol medisinalyq ūiymdarda 900 mln. teŋgenıŋ därı-därmek qorynyŋ bar ekenın, būl ekı aiǧa deiın jetetının mälım ettı. Sonymen qatar, qala tūrǧyndaryna qyzmet körsetetın 11 PTR zerthanasy jūmys jasauda. Zerthanalarda täulıgıne barlyǧy 6 270 test jasau quattylyǧy bar.
Aita keteiık, ötken täulıkte COVID-19 infeksiiasyn jūqtyrǧan 96 jaǧdai tırkeldı. Al, qalada jyl basynan berı 1440 jaǧdai tırkelgen. Bügıngı künı qalada 1 380 tösek - oryn bar onyŋ 1067 tösek – orny bos. Jūqpaly jäne karantindık auruhanalarda 313 nauqas em qabyldauda. Auruhanadaǧy tösek oryndar tolymdylyǧy 22% qūraidy.
Şymkent qalasy äkımdıgınıŋ baspasöz qyzmetı
