Bul týraly búgin Aqparattyq-kommýnıkaııalyq ortalyǵynda ótken brıfıngte Shymkent qalalyq Jolaýshylar kóligi jáne avtomobıl joldary basqarmasynyń basshysy Erjan Joldasov málim etti.
– Osy jyldyń aqpan aıynda aýdan ákimdikterimen birlesip, qala kóshelerine zerdeleý jumystaryn júrgizdik. Nátıjesinde avtomobıl joldary salasynda 168 nysandy, ıaǵnı, 295,3 shaqyrym joldar men kóshelerge qurylys-jóndeý jumystarynyń shemasy daıyndaldy. Iaǵnı, 2021 jyly avtokólik joldarynyń jaqsy jáne qanaǵattanarlyq jaǵdaıdaǵy úlesin 63,6 paıyzǵa jetkizýdi josparlap otyrmyz, – dedi E.Joldasov.
Erjan Jaqsylyqulynyń sózinshe, bıyl 21,8 shaqyrym magıstraldy kósheler jóndeledi. Olar – Respýblıka dańǵyly 5,0 shaqyrym, T.Rysqulov kóshesi 4,1 shaqyrym, Ǵ.Ilıaev kóshesi 2,7 shaqyrym, B.Momyshuly kóshesi 2,1 shaqyrym, J.Táshenov kóshesi 1,7 shaqyrym, J.Shaıahmetov kóshesi 1,6 shaqyrym, Aqnazar han kóshesi 2,3 shaqyrym jáne Klara-etkın kóshesi 2,3 shaqyrym. Degenmen 2021 jyly jol jóndeý jumystary barysynda shalǵaı aýdandardaǵy ishki oramdyq kóshelerdiń qurylysyna basymdyq beriledi.
Baspasóz májilisinde belgili bolǵandaı, qalada jaıaý júrginshilerdiń qaýipsizdigin qamtamasyz etý maqsatynda proekııalyq ótkelder ornatý jumystary júrgizilýde. Bul ótkelder pılottyq joba retinde Sypyrǵan Ata kóshesi men Ál-Farabı kóshesiniń qıylysy jáne Temirlan tas jolyndaǵy «Satti zhol» janar-jaǵarmaı beketiniń mańyna qoıylǵan. Atalǵan joba aıasynda bıyl 15 belsendi jaıaý júrginshiler ótkeli ornatylady.
Sondaı-aq, jol keptelisin sheshý maqsatynda 8 kóshe qıylysyna (T.Rysqulov–J.Shaıahmetov-1, J.Shaıahmetov–Arǵynbekov-2, Arǵynbekov–Báıterekov-1, Sypyrǵan ata–Ál-Farabı-1, Arǵynbekov–Ótegenov-1, Sypyrǵan ata–Temirlan tas joly-1, T.Rysqulov–Adyrbekov-1, T.Rysqulov–Qazıev-2) oń jaq ótkel salý josparlanǵan.
Aıta keteıik, qalada jalpy kóshelerdiń uzyndyǵy 3 247,6 shaqyrymdy qurap otyr. Al aıaldama sany – 1 886. Oǵan qosa bıyl jańadan 256 aıaldama ornatylady.
Shymkent qalasynyń Aqparattyq-kommýnıkaııalyq ortalyǵy
Foto – Ernar Mamyr
