Prezident Qasym-Jomart Toqaev Qostanai oblysynyŋ äkımı Qūmar Aqsaqalovty qabyldady, dep habarlaidy «Adyrna» tılşısı.
Qasym-Jomart Toqaevqa öŋırdıŋ biylǧy bırınşı jartyjyldyqtaǧy äleumettık-ekonomikalyq damu barysy men aldaǧy kezeŋge arnalǧan jospary baiandaldy.
Qūmar Aqsaqalovtyŋ aituynşa, oblystyŋ önerkäsıp käsıporyndary 1,82 trillion teŋgenıŋ önımın öndırgen. Būl ötken jylmen salystyrǧanda 4,3 paiyzǧa joǧary. Qūny 337 milliard teŋge bolatyn 13 ırı investisiialyq joba jüzege asyrylyp jatyr. Osy arqyly 3,4 myŋnan astam jūmys orny aşylady.
Maŋyzdy jobalardyŋ qatarynda jylyna 70 myŋ avtokölık şyǧaratyn KIA zauyty köp ūzamai ıske qosylady. Būl jaŋadan 1500 jūmys ornyn qūruǧa mümkındık beredı. Sondai-aq jük avtomobilderıne jetekşı beldem öndıretın «Kamlit.KZ» zauyty bar. Jobanyŋ investisiia kölemı – 160,5 milliard teŋge. Onda 550 jūmys orny aşylmaq. Būdan bölek, Arqalyq äuejaiyn qalpyna keltıru jūmystary qolǧa alyndy.
Memleket basşysyna jyl basynan berı öŋırde 22 äleumettık nysan ıske qosylǧany turaly mälımet berıldı. Jyl soŋyna deiın taǧy 29 äleumettık nysandy paidalanuǧa beru josparlanyp otyr.
Tūrǧyn üi-kommunaldyq şaruaşylyǧyn jaŋǧyrtu aiasynda oblysta su taratu jäne su būru jüielerıne qatysty 54 joba ıske asyrylyp jatyr. Qala halqynyŋ 99 paiyzy, al auyl tūrǧyndarynyŋ 91,3 paiyzy ortalyqtandyrylǧan su qūbyryna qosylǧan.
Biyl oblystyŋ kölık infraqūrylymyn damytuǧa 102 milliard teŋge bölıngen. Būl 2024 jylmen salystyrǧanda 40 paiyzǧa artyq. 1300 şaqyrym avtojolǧa, sonyŋ ışınde 7 respublikalyq trassada qūrylys, rekonstruksiia jäne kürdelı jöndeu jūmystary jürgızılıp jatyr. Jezqazǧan – Petropavl uchaskesınıŋ rekonstruksiiasy aiaqtaluǧa jaqyn. Qostanai – Mamliut joly tolyq jaŋardy. Ekaterinburg – Almaty baǧytyndaǧy Sarykölden Aqmola oblysynyŋ şekarasyna deiıngı uchaskede jöndeu jūmystary jalǧasuda.
Eldı mekenderdıŋ köşelerı men joldaryn jaqsartuǧa airyqşa köŋıl bölınedı. Biudjetten 103 auyldaǧy 400-den astam köşenı jöndeuge 29 milliard teŋge baǧyttaldy. Būl 2022 jylmen salystyrǧanda 2,5 ese köp.
Kezdesu soŋynda Prezident investisiia kölemın odan ärı arttyru, önerkäsıp pen agrarlyq sektordy damytu, äleumettık infraqūrylymdardy jaŋǧyrtu, tūrǧyndardyŋ tūrmys sapasyn jaqsartu qajettılıgıne nazar audardy.
Qasym-Jomart Toqaev jylytu mausymyna äzırlıktı uaqtyly aiaqtap, küzgı jiyn-terın nauqanyn sapaly ūiymdastyrudy, sondai-aq auyl tūrǧyndarynyŋ auyzsuǧa qoljetımdılıgın arttyru üşın jüielı şaralar qabyldaudy tapsyrdy.
