Atyrau qalasynda köpqabatty üidıŋ bır päterınen zeinetkerdıŋ mäiıtı tabyldy, dep habarlaidy "Adyrna" ūlttyq portaly İnformbiuro baǧdarlamasyna sılteme jasap.
Qaiǧyly jaǧdai tūrǧyndardyŋ dabylynan keiın belgılı bolǧan.
Körşılerdıŋ aituynşa, 60 jastaǧy jalǧyzbasty zeinetker päterın tūrmystyq qaldyqtarǧa toltyryp, bırneşe jyl boiy sol jerde ömır sürgen. Jinalǧan qoqystan şyqqan sasyq iıs bükıl üidı jailap, tūrǧyndar balalardyŋ densaulyǧyna alaŋdai bastaǧan. Aqyry päterden mäiıt iısı şyǧa bastaǧanda, polisiia şaqyrylyp, qariianyŋ ölı denesı tabyldy.
«İıs degen sūmdyq, tıptı demaluǧa mümkındık joq. Balalarǧa infeksiia jūǧa ma dep qorqamyz. Būl jerde ömır süru mümkın emes, şarşadyq. Bızge tek tazalyq kerek», — deidı tūrǧyn Bolǧan Jidekbai.
Körşılerınıŋ sözınşe, zeinetkerdıŋ neden jäne qaşan qaitys bolǧany belgısız. Päterdegı qoqystyŋ jyldar boiy jinalǧany baiqalady. Tūrǧyndar öz qarajattaryna tazalyq jūmystaryn ūiymdastyryp, bırneşe jük kölıgıne tūrmystyq qaldyqtardy tiep şyǧaruǧa mäjbür bolǧan.
«İıs tarap jatyr. Bız özımız aqşa jinap, tazalau jūmystaryn bastadyq. Bıraq būl jetkılıksız. Üi tolyq zalalsyzdandyryluy kerek», — deidı taǧy bır tūrǧyn.
Qalalyq äkımdık jaǧdaiǧa aralasyp, arnaiy tazalau brigadasyn jıbergen. Sonymen qatar, sanitarlyq-epidemiologiialyq qyzmetke resmi hat joldanǧan.
«Qazır arnauly avtobaza jūmysşylary tazalyq jürgızıp jatyr. Dezinfeksiia mäselesı de qaraluda», — dedı qalalyq äkımdıktıŋ baspasöz hatşysy Ǧasyrbek Tölegen.
Ūqsas jaŋalyqtar
