Halyqtyŋ qazırgı tabysy nan-şailyǧyna jetpeidı — Rinat Zaiytov

«Qūrmettı Ükımet müşelerı! Bügın «Halyqtyŋ şamadan tys nesie aluyn azaitu jäne qarjylyq sauattylyqty arttyru turaly» taqyrybynda ötken Parlamenttık tyŋdauda sūraq qoiuyma uaqyt jetpedı, alaida jinalys soŋynda öz sūraqtarymyzdy jazbaşa joldaimyz dep kelısken edık. Sol sebeptı, men, öz sūraqtarymdy aşyq joldap otyrmyn. Sızder özderıŋızdıŋ baiandamalaryŋyzda «Halyqtyŋ şamadan tys qaryzǧa batuyna qoǧamnyŋ qarjylyq sauattylyǧynyŋ tömendıgı sebep bolyp otyr» dedıŋızder. Men būl oilaryŋyzben kelıspeimın. Qazaqstan halqynyŋ 84 paiyzy tūtynuşylyq kredit alyp otyr degen mälımet keltırdıŋızder. Būl qarjylyq sauatsyzdyq emes, mäjbürlıkten bolyp otyr dep nege moiyndamaisyzdar? Osyǧan deiın bırneşe ret aitqandai halyqtyŋ qazırgı tabysy nan-şailyǧyna jetpeidı, sondyqtan qarapaiym qajettılıkterdı öteu üşın (kiım-keşek, jürıs-tūrys t.b.) halyq tūtynuşylyq nesie aluǧa mäjbür. Öitkenı, olardyŋ tapqan ailyqtary müldem öz qajettılıkterın tiıstı türde öteuge jetpeidı. Onyŋ dälelın ötkende eseptep tūryp aldaryŋyzǧa körsetkenmın»,—dedı deputat.

«Nege sızder öz jauapkerşılıkterıŋızdı moiyndaryŋyzǧa alyp, halyqtyŋ şamadan tys nesie aluyna Ükımettıŋ jūmysynyŋ nätijesızdıgı de sebepker ekendıgın aşyp körsetpeisızder? Jäne de ne üşın halyqtyŋ eŋ tömengı jalaqysyn arttyruǧa qūlyqsyz bolyp otyrsyzdar? Oǧan ne kedergı? Bızdıŋ halyqtyŋ qaryzǧa batuynyŋ taǧy bır sebebı — nesie paiyzdylyǧynyŋ tym joǧarlyǧy. Nege mäselenı osy jaǧynan qarastyryp, nesie paiyzyn tömendetıp, äreket jasamaisyzdar? Halyq öz künın özı körıp jatyr. Şaǧyn käsıp bastau üşın tömengı paiyzdyq ölşemmen, mysaly ekı nemese üş paiyzben nesieler nege berılmeidı? Ne sebeptı älı künge deiın būndai baǧdarlamalar jasalynbai jatyr? Qūrmettı Ükımet müşelerı! Qoiylǧan sūraqtaryma zaŋda belgılengen merzımde jauap berulerıŋızdı sūraimyn»,—dedı ol.