"Qabyrǵama birnárse aıtýǵa keldim": Erke Esmahanǵa saǵat 11-de úıde bol dedi

6607
Adyrna.kz Telegram

Tanymal Ninety one tobynyń eks-solısi "Maska" shoý-baǵdarlamasynda qonaqta boldy. AZ (Azamat Zenkaev) ózinen 9 jas úlken súıiktisi Erke Esmahanǵa jurt kózinshe "saǵat 11-de úıde bol" dep aıtty, dep habarlaıdy "Adyrna" tilshisi.

"Maska" shoý-baǵdarlamasynda túrli tanymal jandar maska kıip óner kórsetedi. Sáıkesinshe daýystary da ózgertiledi. Olardy otyrǵan qazylar alqasy tanyp, kim ekenin aıtýy qajet.

Baǵdarlamada óner kórsetken Azamat Zenkaev "Sulý qyz", "Jigitter jyry" ánin oryndady. Alaıda Erke Esmahan óz jigitn tanymaı qaldy. Eızı oǵan:

"Sen qasyńda júrgen meni tanymasań, qalǵan qatysýshylardy qalaı tanymaqshysyń" dep nazyn aıtty.

"Bul baǵdarlamaǵa kelgen sebebim, ózimniń qabyrǵama bir-eki aýyz sóz aıtyp keteıin dep edim. Erke, qazir saǵat 10 jarym, 11-de úıde bol" dedi Eızı.

Qazylar alqasynda otyrǵan Tóreǵalı Tóreáli, Janar Aıjanova, Marat Oralǵazın, Meıirjan Turabaev jáne júrgizýshi Jahan Otarǵalıev "Toı jyry" ánin aıtyp, qos ǵashyqtyń aıtqan sózderine tań qalysyn bildirdi.

Búginde vıdeo áleýmettik jelide qyzý talqyǵa túsýde. Pikirler bóliminde:

"Ekeýi úılengen ba?", "Aralary 9 jas qoı. Mahabbat jasqa qaramaıdy degen osy eken ǵoı", "Teńin tapqan eken, joq-joq dep zarlap júrip", "Alla Pýgacheva men Maksım Galkın" degen pikirler jazýda. 

Sonymen qatar, jeli qoldanýshylary Erkeniń oń qolynan neke júzigin baıqaǵanyn aıtýda.

"Adyrna" ulttyq portaly

Pikirler