Qazaqstan men Reseidıŋ beibıt atomdy qoldanu boiynşa ärıptestıgı alǧa jyljyp keledı deidı Resei elşısı Aleksei Borodavkin. Resei Qazaqstanǧa AES salǧysy keletını jaily baiandady, dep habarlaidy "Adyrna" ūlttyq portaly Abai.kz-ke sıltep.
"Qazaqstan atom elektrstansiiasyn salu turaly şeşım şyǧarsa, Resei saluǧa daiyn", — dedı Resei elşısı Borodavkin "Resei jäne Qazaqstan: strategiialyq ärıptestıktıŋ 30 jyldyǧy" atty halyqaralyq ǧylymi-täjıribelık konferensiiada.
Ol Qazaqstan men Resei arasyndaǧy türlı sala boiynşa ärıptestık alǧa jyljyp kele jatqanyn tılge tiek ettı. Elşınıŋ közqarasy boiynşa Euraziia keŋıstıgındegı halyqtar jyl ötken saiyn bır-bırımen ärıptestıktı arttyruǧa müddelı boluda.
"Qazaqtar men orystar Ūly Otan soǧysynda bırge soǧysyp, faşistık Germaniiany talqandady. Däl Qazaqstan jerınen adamzat ǧaryşqa qadam jasady. Qazaqstanda KSRO-nyŋ iadrolyq qalqany jasaqtalyp, Üşınşı düniejüzılık soǧystyŋ qaupı seiıldı. Bız KSRO kezındegı repressiiany da, 30-jyldary bolǧan aştyq pen halyqtardy küştep qonystandyrudy da, iadrolyq synaqtardyŋ äserın de este saqtap kelemız. Būlda bızdıŋ ortaq tarihymyz ǧoi", — dedı Borodavkin.Elşı Qazaqstan men Resei bügınde teŋ qūqyqty odaqtas ärı ärıptes ekenın aita ketken.
"Bızdıŋ ärıptestıgımız koronaviruspen küres kezınde aiqyn körındı. Resei Qazaqstanǧa auqymdy kömek berudı jalǧastyryp keledı. Därıgerler men ǧalymdar arasyndaǧy ärıptestık artty. Qazaqstanǧa reseilık "Sputnik V" vaksinasyn jetkızu qarqyny artuda, al Qaraǧandyda vaksina şyǧaru jolǧa qoiyldy", — deidı Resei elşısı.Esterıŋızde bolsa el prezidentı Qasym-Jomart Toqaev 2019 jyly Qazaqstanda atom elektrstansiiasyn salu josparda joq ekenın, AES salu qajet bolsa referendum arqyly halyq şeşetının aitqan edı. Būl Resei elşısınıŋ alǧaşqy AESqa qatysty alǧaşqy pıkırı emes. 2021 jyldyŋ 10 aqpanynda: "Qazaqstanǧa älemdegı basqa elder siiaqty taza energiia qajet. Osy saladaǧy eŋ tiımdı şeşımderdıŋ bırı - atom elektr stansiialary. Elektr energiiasynyŋ tapşylyǧyn eskere otyryp, AES salu Qazaqstan üşın özektı taqyrypqa ainaluda. Rosatom zauyttyŋ qauıpsızdıgı men ekologiialyq tazalyǧyna kepıldık bere otyryp, būl jobany qabyldauǧa daiyn. Keibır aqparat qūraldarynda taratylǧan orys atomy turaly fobiialardyŋ şyndyqqa janaspaitynyn atap ötkım keledı. Reseilık AES-tarda qoldanylatyn eŋ zamanaui tehnologiialar qūrylys kezınde de, osy obektılerdı paidalanu kezınde de qauıptıŋ bolmauyn qamtamasyz etedı. Sonymen qatar, AES jobasy elektr energiiasynan basqa Qazaqstan ekonomikasynyŋ köptegen salalaryna serpın beredı, bılıktı jūmys oryndaryn aşady jäne iadrolyq fizika salasyndaǧy joǧary bılım sapasyn arttyrady",- degen edı Resei elşısı. Qazaqstan halqy men sarapşylar AES saluǧa öz qarsylyǧyn bıldırıp keledı.
"Adyrna" ūlttyq portaly
Ūqsas jaŋalyqtar
