تانىمال Ninety one توبىنىڭ ەكس-ءسوليسى "ماسكا" شوۋ-باعدارلاماسىندا قوناقتا بولدى. AZ (ازامات زەنكاەۆ) وزىنەن 9 جاس ۇلكەن سۇيىكتىسى ەركە ەسماحانعا جۇرت كوزىنشە "ساعات 11-دە ۇيدە بول" دەپ ايتتى، دەپ حابارلايدى "ادىرنا" ءتىلشىسى.
"ماسكا" شوۋ-باعدارلاماسىندا ءتۇرلى تانىمال جاندار ماسكا كيىپ ونەر كورسەتەدى. سايكەسىنشە داۋىستارى دا وزگەرتىلەدى. ولاردى وتىرعان قازىلار القاسى تانىپ، كىم ەكەنىن ايتۋى قاجەت.
باعدارلامادا ونەر كورسەتكەن ازامات زەنكاەۆ "سۇلۋ قىز", "جىگىتتەر جىرى" ءانىن ورىندادى. الايدا ەركە ەسماحان ءوز جىگىتن تانىماي قالدى. ەيزي وعان:
"سەن قاسىڭدا جۇرگەن مەنى تانىماساڭ، قالعان قاتىسۋشىلاردى قالاي تانىماقشىسىڭ" دەپ نازىن ايتتى.
"بۇل باعدارلاماعا كەلگەن سەبەبىم، ءوزىمنىڭ قابىرعاما ءبىر-ەكى اۋىز ءسوز ايتىپ كەتەيىن دەپ ەدىم. ەركە، قازىر ساعات 10 جارىم، 11-دە ۇيدە بول" دەدى ەيزي.
قازىلار القاسىندا وتىرعان تورەعالي تورەالى، جانار ايجانوۆا، مارات ورالعازين، مەيىرجان تۇراباەۆ جانە جۇرگىزۋشى جاحان وتارعاليەۆ "توي جىرى" ءانىن ايتىپ، قوس عاشىقتىڭ ايتقان سوزدەرىنە تاڭ قالىسىن ءبىلدىردى.
بۇگىندە ۆيدەو الەۋمەتتىك جەلىدە قىزۋ تالقىعا تۇسۋدە. پىكىرلەر بولىمىندە:
"ەكەۋى ۇيلەنگەن با؟", "ارالارى 9 جاس قوي. ماحاببات جاسقا قارامايدى دەگەن وسى ەكەن عوي", "تەڭىن تاپقان ەكەن، جوق-جوق دەپ زارلاپ ءجۇرىپ", "اللا پۋگاچەۆا مەن ماكسيم گالكين" دەگەن پىكىرلەر جازۋدا.
سونىمەن قاتار، جەلى قولدانۋشىلارى ەركەنىڭ وڭ قولىنان نەكە جۇزىگىن بايقاعانىن ايتۋدا.
"ادىرنا" ۇلتتىق پورتالى
