"Eshqashan bottarmen jumys istegen emespin". Bul pikirdi QR Mádenıet jáne sport mınıstri Ashat Oralov aıtyp, ózine qatysty aıtylyp jatqan synǵa jaýap berdi, dep jazady "Adyrna" ulttyq portaly.
Jýrnalıster úkimet kýlýarynda Ashat Oralovtan jeli qoldanýshylary ne sebepti jańa mınıstrdi "bottar men feıkterdiń patshasy" dep ataıtynyn surady.
"Shynymdy aıtsam, eshqashan bottarmen jumys istegen emespin. Biz áleýmettik jelilerdi belsendi túrde paıdalanamyz. Instagram men Facebook-ty ózim júrgizemin. Árqashan múmkindiginshe ashyqpyn. Aldyńǵy jumysymda da ashyq boldym, qazir de jýrnalıstermen ashyq jumys isteıtin bolamyn", – dedi Ashat Oralov.
Oralov áleýmettik jelidegi jazbalaryna nege kóp adam pikir qaldyratynyn kelesideı túsindirdi.
"Suraq qoıatyn sátter bolady. Qoldaıtyndar bar, ózekti máselelerdi kóteretinder bar. Men taǵy da aıtamyn, biz bottarmen jumys istemeımiz. Jeke ózim naqty jumys istemeımin", – dedi mınıstr.
Esterińizge sala keteıik, Ashat Oralov 2023 jyldyń 4 qańtarynan bastap QR Mádenıet jáne sport mınıstri laýazymyna taǵaıyndaldy. Buǵan deıin ol Amanat partııasynyń atqarýshy hatshysy qyzmetin atqarǵan.
"Adyrna" ulttyq portaly
