"Soŋǧy ailarda Malavide albinizmmen auyratyndar nysanaǧa alynyp öltırılude" dep mälımdedı Amnesty International qūqyq qorǧau ūiymy. Būl turaly "Adyrna" ūlttyq portaly Qamshy.kz saityna sılteme jasap.
Ötken aptada ekı qaskünem 12 jasar albinos qyzdy üiınen ūrlap äketuge tyrysqan jäne basqa jerde albinizmmen auyratyn 26 jastaǧy Saidi Ditondy öltırılgen.
Üş er adam ony 27 qaŋtarda öltırgenın moiyndady, al törtınşı küdıktı ızdeude.
Būl soŋǧy tört aida elde albinizmmen auyrǧan adamdarǧa jasalǧan jetı şabuyldyŋ ekeuı ǧana. Qasköiler albinostardy öltıruge jäne ūrlauǧa tyrysyp qana qoimai, olardyŋ qabırlerın de nysanaǧa alǧan.
Būǧan deiın adam qūqy ūiymy esebı albinizmmen auyratyn adamdardy "januarlar siiaqty" aulap, öltırıp jatyr dep habarlaǧan.
Būl oqiǧalardyŋ tuu sebebı, jergılıktı "dästürlı senım" boiynşa, keibıreuler osy älsız toptaǧy adamdardyŋ "dene müşelerı men süiekterı sättılık beredı" dep senedı. Jergılıktı dästürlı "siqyrşy-emşıler" albinizmmen auyratyndardyŋ dene müşesı arqyly "baqytty etetın" susyndar jasaidy. Sol sebeptı olar öte qymbat baǧamen satylady.
BŪŪ Adam qūqyqtary jönındegı Joǧarǧy Komissarynyŋ keŋsesınıŋ 2016 jylǧy esebıne säikes, "Albino aŋşylary aurudyŋ bükıl denesın 75000 dollarǧa deiın satady".
Amnesty International adam qūqy ūiymynyŋ Afrikanyŋ oŋtüstıgı boiynşa direktorynyŋ orynbasary Muleia Mvananianda soŋǧy şabuyldar albinizmmen auyratyn adamdardyŋ mülde qauıpsız emes ekenın körsetetının aityp, eskertu jasady.
–Būl şabuyldar "jazasyzdyq mädenietınen" tuyndaidy jäne Malaviia bilıgı osy soŋǧy qylmystarǧa küdıktı qylmyskerlerdı ädıl sotqa tartu üşın jedel türde äreket etuı kerek,– dep qosty ol.Albinizmmen auyratyn adamdar qauymdastyǧynyŋ atqaruşy direktory Menard Zahariia Mvananianda hanymnyŋ pıkırın qoldai otyryp, Malavi ükımetı "ışkı jäne halyqaralyq adam qūqyǧy zaŋdary boiynşa qūrbandarǧa ädılettılıktı qamtamasyz etuge mındettı" dep mälımdedı.
Ūqsas jaŋalyqtar
