"Sońǵy aılarda Malavıde albınızmmen aýyratyndar nysanaǵa alynyp óltirilýde" dep málimdedi Amnesty International quqyq qorǵaý uıymy. Bul týraly "Adyrna" ulttyq portaly Qamshy.kz saıtyna silteme jasap.
Ótken aptada eki qaskúnem 12 jasar albınos qyzdy úıinen urlap áketýge tyrysqan jáne basqa jerde albınızmmen aýyratyn 26 jastaǵy Saıdı Dıtondy óltirilgen.
Úsh er adam ony 27 qańtarda óltirgenin moıyndady, al tórtinshi kúdikti izdeýde.
Bul sońǵy tórt aıda elde albınızmmen aýyrǵan adamdarǵa jasalǵan jeti shabýyldyń ekeýi ǵana. Qaskóıler albınostardy óltirýge jáne urlaýǵa tyrysyp qana qoımaı, olardyń qabirlerin de nysanaǵa alǵan.
Buǵan deıin adam quqy uıymy esebi albınızmmen aýyratyn adamdardy "janýarlar sııaqty" aýlap, óltirip jatyr dep habarlaǵan.
Bul oqıǵalardyń týý sebebi, jergilikti "dástúrli senim" boıynsha, keıbireýler osy álsiz toptaǵy adamdardyń "dene músheleri men súıekteri sáttilik beredi" dep senedi. Jergilikti dástúrli "sıqyrshy-emshiler" albınızmmen aýyratyndardyń dene múshesi arqyly "baqytty etetin" sýsyndar jasaıdy. Sol sebepti olar óte qymbat baǵamen satylady.
BUU Adam quqyqtary jónindegi Joǵarǵy Komıssarynyń keńsesiniń 2016 jylǵy esebine sáıkes, "Albıno ańshylary aýrýdyń búkil denesin 75000 dollarǵa deıin satady".
Amnesty International adam quqy uıymynyń Afrıkanyń ońtústigi boıynsha dırektorynyń orynbasary Mýleıa Mvananıanda sońǵy shabýyldar albınızmmen aýyratyn adamdardyń múlde qaýipsiz emes ekenin kórsetetinin aıtyp, eskertý jasady.
–Bul shabýyldar "jazasyzdyq mádenıetinen" týyndaıdy jáne Malavııa bıligi osy sońǵy qylmystarǵa kúdikti qylmyskerlerdi ádil sotqa tartý úshin jedel túrde áreket etýi kerek,– dep qosty ol.
Albınızmmen aýyratyn adamdar qaýymdastyǵynyń atqarýshy dırektory Menard Zaharııa Mvananıanda hanymnyń pikirin qoldaı otyryp, Malavı úkimeti "ishki jáne halyqaralyq adam quqyǵy zańdary boıynsha qurbandarǵa ádilettilikti qamtamasyz etýge mindetti" dep málimdedi.
