Daniiar degen bauyrymnyŋ AQŞ -ta jürgenıne üş jyl boldy. AQŞ-tyŋ Filadelfiia ştatynda jūmys jasaidy. Ol Qazaqstanǧa bır kelgenınde maǧan:
-Men endı Qazaqstanda jūmys jasai almaityn şyǧarmyn, degen edı.
Ol AQŞ-tyŋ keremet aurasynda jūmys jasap üirenıp qaldy. Daniiardyŋ közqarasy bızge müldem ūqsamaidy. Öte erkın, taŋdauy keremet. Qimyly şiraq. Janarynda bolaşaqqa degen talpynys pen ot janyp tūr. Būl jaqta tyraştanyp, depressiiaǧa ūrynyp, qaǧylyp - soǧylyp bır aida tapqan tiyn tebendı ol jaqta az ǧana uaqyttyŋ ışınde esesımen emın-erkın jūmys ıstep taba alady. AQŞ-taǧy jūmysy jaiynda da keide söilesemın.
Elamandegen ınım bar. Öte pysyq. Ol Oŋtüstık Koreiada kün batareialaryn şyǧarytyn, montajdaityn zavotda jūmys ıstedı. Tabysy öte jaqsy. Sodan täjıribe jinap alyp, Europanyŋ Vengriiasyna attanyp kettı. Qazır sol jaqta şyny zavodynda jūmys ıstep jatyr. Qozǧalystary emın-erkın. Tabystary da tamaşa. Qazır elge qaitpaimyz dep otyr. Menıŋşe sonda ıstep jüre bergenı öte jaqsy. Ne qylady elge kelıp, jüre me ärkımnıŋ ittıgıne könıp... Bızdıŋ qoǧam sondai qoǧam.
Negızı ketu kerek. Şetelde jūmys ısteu kerek. Jan-jaqqa keŋ masştabta qarauymyz kerek. Qazaqqa osylai jūmys jasaǧan tiımdı siiaqty. Depressiia men negativten şyǧuymyz kerek. Nigilistık közqarasty özgertuımız kerek. Oibailaǧannan eşteŋe şyqpaidy. Kerı kete beremız. Kammunistık qara tobyr, nadan sanadan osyndai jastar ǧana qūtqarady.
Keiıngı jastardyŋ qadamy müldem bölek. Būlar erkın ärı taŋdauy da myqty. Ne bolsyn soǧan bas auyrtpaidy. Taŋdaǧan memleketıne bara alady. Tek özderınıŋ ne ısteitının anyqtap alady. Menıŋşe eŋ dūrysy osy. Damu sonda ǧana bolady. Bızdıŋ jastardyŋ osylai keŋınen aşylǧany dūrys. Keŋınen aşylmasa, ne bar mynau depressiiaǧa batyp, jolyŋdy aştyrmaityn qoǧamda? Demek, būlardyŋ taŋdauyn men qoldaimyn.
Miyŋdy myŋ aqparat sorpa bolyp jatsa, sızde qaidaǧy erkındık pen taŋdau bolady...? Bız solai dalbasalap jürgen qoǧambyz. Äbden ruhani ezgıge tap bolyp, tarihi jadymyzdy joǧaltyp alǧanbyz. Bızge endı jaŋaru kerek. Bärı jaŋaru kerek. Bärın basynan bastau kerek. Jaŋa köŋıl küimen bastau kerek. Qazırgı dalbasagerşılık jürısımız de özımızdıŋ taŋdauymyz. Aldaǧy uaqytty dūrys taŋdau jasap el bolamaz nemese qūl bolyp osylai köndıgıp ömır keşemız. Osy ǧana.
Bekbolat QARJAN,
"Adyrna" ūlttyq portaly
Ūqsas jaŋalyqtar
