Almaty qalasy Bilim basqarmasynyń «№122 jalpy bilim beretin mektebinde» 2024 jyldyń 25 sáýir kúni «Eńbek, óner, sport – bilikti tulǵa qalypastyrýdyń qaınar kózi» taqyrybynda qalalyq semınar ótti. Semınardyń basty maqsaty – bolashaqqa bilikti, zamanaýı, shyǵarmashyl tulǵa qalyptastyrý. Mekteptiń estetıkalyq pánder birlestigi usynǵan qalalyq is-shara joǵary deńgeıde atalyp ótilip, júzge jýyq mektepten Almaty qalasy boıynsha 120-dan asa bilikti ustaz qatysyp, tájirıbe almasty.
Qalalyq semınardyń ashylý barysy kúmbirlegen dombyranyń úni men №122 mekteptiń «Shabyt» bıi tobynyń qarsy alýymen bastaldy. Qalalyq bilim berý uıymdarynan jınalǵan ustazdar semınardyń QR kodpen jasalǵan maqsatymen tanysyp, májilis zalyndaǵy tanysý kirispe bóliminen bastaý aldy. Almaty qalasynyń bilim salasynda sapany qamtamasyz etý departament basshysy Gúlnar Ómirbekqyzy semınardyń ashylý saltanatynda sóz sóılep, ujymǵa sáttilik tiledi. Sondaı-aq, qalalyq bilim berýdegi jańa tehnologııalardyń ǵylymı-ádistemelik ortalyq ádiskeri T.K.Shaımerdenov, «Órleý» biliktilikti arttyrý ulttyq ortalyǵynyń jetekshisi G.Kenishtaıqyzy, Áýezov aýdandyq bilim bóliminiń ádiskeri G.Júnisbekqyzy da jyly lebizderin bildirdi.
Semınar baǵdarlamasynyń uıymdastyrý kezeńinde barlyq jınalǵan pedagogter ústel tennısi, shahmat syndy sporttyq oıyndar oınap, mektep orkestrimen birge dombyramen kúı oryndap, maqal-mátel saıysyna qatysyp, tátti syılyqtarǵa ıe boldy. Ekinshi bólimi estetıkalyq pán birlestigi usynǵan synyptan tys is-sharalarmen óz jalǵasyn tapty. Máselen, kórkem eńbek pán muǵalimderi A.Sergazınova men A.Bıteeva ulttyq qundylyqtar negizinde sheberlik sabaǵyn kórsetse, deneshynyqtyrý páni muǵalimderi S.Konýrbaeva, B.Abankýlov, S.Salmekeev 6-synyptar arasynda ashyq sabaq uıymdastyryp, N.Qamysbek erekshe bilim berýdi qajet etetin balalarmen sporttyq saıys oıyndaryn júrgizdi. Estetıkalyq pánder birlestiginiń jetekshisi, mýzyka pán muǵalimi G.Erbatyrovanyń jetekshiligimen synyptan tys is-sharada deneshynyqtyrý pán muǵalimi N.Kabdollın án shyrqap, bastaýysh, orta, keshki bólim ardager ustazdarynan quralǵan top óz ónerlerin pash etti. Sondaı-aq, mekteptiń jas muǵalimderi sahnalyq qoıylym uıymdastyryp, oqýshylardyń kórmesimen de tánti ete bildi.
Bul semınardyń taǵy bir ereksheligi ata-analardyń belsene qatysýynda boldy. Máselen, 1-synyp oqýshy qyzdardyń ákelerimen birge bılegen vals bıi, uly men ákesiniń oryndaýyndaǵy ásem án kópshiliktiń kóńilinen oryn tapty. Sol sııaqty mekteptiń shyǵarmashylyq damýyn kórsete bilgen oqýshylardyń jetistikteri de nazardan tys qalmady. Qalalyq, respýblıkalyq, halyqaralyq deńgeıdegi oqýshylardyń jetistikteri, moıyndaryna syńǵyrlata taqqan kúmis, altyn medaldary tek bilim oshaǵynyń ǵana emes, eldiń eńsesin kótergeni dep aýyz toltyryp aıtýǵa bolady.
«Jaqsynyń jaqsylyǵyn aıt nury tasysyn» - dep dana halqymyz aıtqandaı, ustazdardyń árbir eńbegi, ult úshin, urpaq úshin dep bergen sanaly tárbıe men bilimi árqashan eleneri aqıqat. Ustaz tek mektep qabyrǵasynda sabaq berip, bala tárbıeleıtin tulǵa emes. Ol - shyǵarmashyl, ol – zamanaýı, ol – psıholog, ol – izdenimpaz, jan-jaqty damı bilgen dara tulǵa. Mine, dál osyndaı qasıetterdi boıyna sińirip, bir jeńnen qol, bir jaǵadan bas shyǵaryp, ujymnyń uıymshyldyǵymen birlese atqarǵan qalalyq semınar kópshiliktiń kóńilinen shyǵa bildi. Sóz sońynda semınarǵa qatysqan áriptester óz rızashylyqtaryn bildirip, qazaq mektepteriniń jandanýyna tilekshi boldy. Mektep basshysy Janysbaı Talǵat Saǵatuly estetıkalyq pánderi birlestigine, arnaıy kelgen áriptesterge, ustazdarǵa alǵysyn aıtyp, bul is-shara óz jalǵasyn tabatynyna senimin bildirdi.
