Özbekstannyŋ Reseidegı elşısı Botirjon Asadov Resei Syrtqy ıster ministrlıgıne şaqyryldy. Oǧan Jurnalistika jäne būqaralyq kommunikasiialar universitetınıŋ rektory Şerzodhan Qūdrathodjaevtyŋ mälımdemesıne bailanysty narazylyq bıldırıldı, dep habarlaidy «Adyrna» tılşısı.
Būǧan deiın JOO basşysy Özbekstanda tūryp jatqan, bıraq özbek tılın bılmeitın adamdardy «aqymaq nemese basqynşy» dep ataǧan edı. Ol 1966 jyly Keŋes Odaǧynyŋ bır bölıgı bolǧan Özbekstanǧa Resei, Belarus jäne Ukrainadan köptegen tūtqynnyŋ kelgenın atap öttı.
«Olar jer sılkınısınen keiın Taşkenttı qalpyna keltıruge kömektesuı tiıs edı. Būl jūmysşylardyŋ basym bölıgı Özbekstanda qaldy, alaida memlekettık tıldı üirengen joq»,—dedı ol.
Resei Syrtqy ıster ministrlıgınıŋ aituynşa, mūndai sözderdıŋ mazmūny men reŋı ekı eldı bailanystyratyn tereŋ strategiialyq serıktestık pen odaqtyq qatynastaryna müldem qaişy keledı.
«KSRO qūramynda bolǧan Özbekstan öndırısı men auyl şaruaşylyǧyn, ǧylymy men mädenietın qarqyndy damyta aldy. Bügınde Özbekstan täuelsız memleket retınde Reseimen özara teŋ därejede, özara qūrmetke negızdelgen qatynas ornatty. Sondyqtan bız Şerzodhan Qūdrathodjaevtyŋ sözın Özbekstan halqy qoldamaidy jäne ol söz özbekstandyqtardyŋ jalpy köŋıl küiın bıldırmeidı dep senemız», - dep tüsındırdı Resei SIM.
