Qazaqstannyŋ Tötenşe jaǧdailar ministrlıgıne tıkūşaqtardy Reseiden satyp aluǧa bolady, būl mümkındıktı QR Tötenşe jaǧdailar ministrı Şyŋǧys Ärınov joqqa şyǧarmaidy, dep habarlaidy “Adyrna” ūlttyq portaly QazTAG-qa sılteme jasap.
«Qazır bız üş Mİ-8 AMT jäne tört K-32 satyp aludy qarastyryp jatyrmyz. Eger bız tıkūşaq tehnikasy turaly aitatyn bolsaq, iä, ol lizingke satyp alynady, būǧan halyqaralyq kompaniialar qatysady. Jaqyn arada bız osy mäsele, iaǧni baǧa belgıleu jäne oǧan qatysty barlyq mäseleler boiynşa şeşım qabyldaimyz dep oilaimyn. Qazır 405-şı zauytta (Almatydaǧy aviajöndeu zauyty ) qarbalas, jetkızu merzımı de öte ūzaq. Sondyqtan būl qandai da bır halyqaralyq jetkızuşı boluy äbden mümkın», - dedı Arinov seisenbı künı ükımettıŋ brifingınde.
QazTAG jurnalistınıŋ būl reseilık jetkızuşı boluy mümkın be degen sūraǧyna Tötenşe jaǧdailar ministrlıgınıŋ basşysy: «Mümkın, iä» dep jauap berdı.
Ministrdıŋ aituynşa, äzırge tek jetı tıkūşaq satyp alu josparlanuda, qalǧan törteuı jaqyn arada alynady. Būl jaǧdaida bastapqyda jariialanǧan soma özgerısterge ūşyrauy mümkın.
«Būl kezeŋde tıptı osy jetı tıkūşaq jetkılıktı bolady. Bıraq jaǧdai özgerude. Jaz boiy bızde ört qauıptı kezeŋge bailanysty ülken transfertter boldy, bız tapşylyqty bastan keşırıp jatqanymyzdy anyq kördık. Jalpy, sol jerde äreket etu üşın ondaǧy 20 öŋırdı äue jasaqtary qamtuy kerek jäne jedel, ūtqyr, jyldam şeşım qabyldau qajet», - dedı Ärınov.
Aita ketsek, Qazaqstannyŋ Tötenşe jaǧdailar ministrlıgı qūtqaru jūmystaryn jürgızu üşın 11 jaŋa tıkūşaq alady. Olar qūral-jabdyqtardy satyp aluǧa biudjetten 25 milliardqa juyq teŋge bölmekşı.
