Rýmynııanyń Konstıtýııalyq soty 6 jeltoqsan kúni Rýmynııa prezıdentiniń alǵashqy saılaý nátıjelerin jaramsyz dep tanyp, daýys berý qaıta ótkizilýi kerek degen sheshim shyǵardy, dep habarlaıdy “Adyrna” ulttyq portaly DW saıtyna siltep.
Endi saılaý aldaǵy kúnderde ótedi, olardy úkimet anyqtaıdy, dep málimdedi sot.
Eki kún buryn qazirgi prezıdent Klaýs Iohannıs Reseıdiń áleýmettik jelilerde ýltraultshyl saıasatker Kelın Djordjeskýdy qoldaǵan aýqymdy naýqany týraly barlaý derekterin jarııalady. 24 qarashada ótken alǵashqy saılaýda Djordjeský kútpegen jerden Rýmynııanyń "Qutqarý odaǵy" lıberaldy partııasynyń ókili Elena Laskonıden ozyp ketken edi.
Kelın Djordjeský aıtarlyqtaı saılaý naýqanyn júrgizgen joq. Teledebattarǵa qatyspady jáne óz málimdemesine sáıkes, tipti aqsha da jumsamaǵan. Áleýmettik saýalnamalar burynǵy ýltraultshyldyq "Rýmyndardyń birigýi alıansy" partııasynyń múshesi bolyp, táýelsiz kandıdat retinde qatysqan Djordjeský tek birneshe paıyz daýys jınaýy múmkin dep kórsetti. Alaıda alǵashqy saılaýǵa eki apta qalǵanda TikTok áleýmettik jelisinde onyń qoldaýyna arnalǵan aýqymdy naýqan bastaldy, onda Rýmynııanyń barlaý qyzmetiniń málimeti boıynsha 25 myńnan astam akkaýnt paıdalanylǵan.
Nátıjesinde Djordjeský shamamen 23 paıyz daýys jınady. Elena Laskonı 19 paıyzdan astam qoldaýǵa ıe bolyp, qazirgi premer-mınıstr, soıal-demokrat Marchel Cholaktan sál ozyp ketti. Tórtinshi orynda – ulttyq radıkal Djordj Sımıon, ol shamamen 14 paıyz daýys jınady.
28 qarashada Konstıtýııalyq sot Ortalyq saılaý komıssııasyn alǵashqy saılaý nátıjelerin qaıta esepteýge mindettedi. Biraq 2 jeltoqsanda ony bekitti. Ekinshi týr 8 jeltoqsanda ótkizilýi tıis edi.
