AQSh pen Reseıdiń nemese Ýkraına men Reseıdiń arasyndaǵy teketires báseńdeıtin túri bar.
Djozef Baıden bárin jaqsy bastap kelip sylq ete qaldy. Ókinishti aq.Pýtın ýkraın shekarasyna seksen myń áskerimen sansyz áskerı tehnıkasyn qaptatyp geosaıası alańda Vashıngtonnyń tizesin búktirdi. Keshe Baıden Pýtınge zvandap Ýkraınaǵa alańdaýshylyǵyn bildirip onymen kezdesýge nıet bildirdi. Bul onyń geosaıası jeńilisi boldy.
Sirá búgin orys propagandasy "batysty jyqtyq" dep kúmpildep jarylatyn shyǵar. Kezinde bosbelbeý Obamanyń ózi "Reseı aımaqtyq derjava edi.. " dep moıyndamaı, kremlmen Ýkraına máselesi boıynsha eshqashan kelissózge otyrmaǵan-tyn, endi sony joǵary dárejede Baıden isteıtin boldy. Ókinishti aq...
Osy sońǵy AQSh - Reseı teketiresinde taǵy bir mańyzdy kórinis oryn aldy. Men dál osy jaǵdaıdy múlt etpeı qadaǵalaýmen boldym.
Ol — Ýkraına men Túrkııanyń ózara qarym qatynasy.
Eger bizdiń dáýirimizde osy jahanda resmı Máskeýdiń tóbe shashyn tik turǵyzǵan bir adam bar bolsa, ol adam — Rejep Taıyp Erdoǵan.
Kreml úshin Rejep Erdoǵan degenimiz — Sırııa, Lıvııa, Ázirbaıjandaǵy óziniń soǵys alańyndaǵy úlken bir pozory. Óıtkeni jer - jahannyń túkpir túkpirinde Erdoǵannyń "Baıraktaryn" kórgen orys vagnerlariniń úreıi ushyp, alqyna zytyp, tabandaryn jaltyratyp qashýmen álek bolatyn.
Erdoǵannyń "Baıraktary" Lıvııada orystyń asa qymbat 30 dana ZRK Panırin, júzdegen tankilerin, áskerı tehnıkasyn, júzdegen sarbazdaryn otqa orady. Bul qanshama mıllıardtaǵan dollar shyǵyn.
Pýtınniń lıvııalyq dosy Halıfa Haftar, Túrik áskeri Lıvııaǵa kirgen tustan beri aıbyndy generaldan bir beısharaǵa aınaldy. Pýtın Lıvııada Túrkııaǵa qarsy qolynan kelgeniniń bárin istedi, qarsylasyna qarsy hımııalyq qarý da qoldanyp kórdi, Mysyrdy (Egıpet) túrikke qarsy shaptap ta kórdi....
Alaıda Erdoǵan ony qystyrmady. Ol tapal tal túste Lıvııadaǵy Pýtınniń vagnerleri ornalasqan qalalardy jermen jeksen etti. Ony kórgen Egıpettiń dereý dýhy túsip odan soń Lıvııaǵa aıaq baspady.
Sırııada da Erdoǵan Asadtyń da, Pýtınniń da shápkesin keri kıgizip esekke teris mingizdi. Ondaǵy jaǵdaı Lıvııadan da aýqymdy boldy. Sırııada Bashır Asad qazir is júzinde Sham shaharynyń storojy ǵana bop qaldy. Eger kúnderdiń kúninde Rejep Erdoǵan Damaskige qarsy bir joryq jasaıtyn bolsa, Asadtyń dáýiri aıaqtalady, Pýtınniń oıyny da bitedi.
Al Qarabaqta Erdoǵan Pýtınmen tipti ashyq ketti. Eger Qarabaqta Reseı Ármenııa úshin ol mańǵa ásker kirgizip urys salatyn bolsa, Rejep Taıyp Erdoǵan oılanbastan Ázirbaıjan úshin soǵysyp keter edi. Ony kúlli dúnıe kórip sezip otyrdy, buny Pýtın de túsindi. Sodan bolar Pýtın Qarabaqta ármenderge ashyq qoldaý bildire almady, kózi jypylyqtap qorqyp otyrdy. Ony kórgen Erdoǵan men Álıev Qarabaqtaǵy basqynshylardy bir jarym aılyq merzimde maıly jerlerinen bir teýip qýyp shyqty.
Bir sózben aıtsaq Rejep Erdoǵan — Zver, ras, Zver Erdoǵan... Onyń bir basynda óz batyldyǵy men órligi, erligi jetedi.
Endi keshe Erdoǵan men Ýkraın prezıdenti Zelenskıı kezdesti. Áne mine Reseımen soǵysaıyn dep otyrǵan elge Erdoǵan "Baıraktardyń" taǵy bir 25 danasyn artyp jiberdi.
Áıgili óziushar "Baıraktar TB - 2 " janjal órship turǵan ýkraın oblystarynyń ústinen ushyp ótti. Ony kórgen ýkraın áskeri kózderi jasaýrap rýhtandy, al dushpanynyń záresi ushty.
Rejep Erdoǵan taǵy Reseıge qarsy Ýkraınany qyzý qoldaıtynyn aıtty. Túrkııa jaqynda Bosfor buǵazynan amerıkandyq áskerı esmıneterdi Qarateńizge, Qyrymǵa ótkizip jiberdi. Ol Máskeý úshin onyń tóbesinen túsken naızaǵaımen teń boldy.
Onymen qoımaı ekijaqty kezdesý barysynda Erdoǵan "basqynshy jaǵdaıda qalǵan Qyrymdaǵy baýyrlas qyrym tatarlarynyń taǵdyryna alańdaıtynyn" aıtty. Zelenskıı óz kezeginde "Qyrym azat etilgen kúni Qyrymdy Túrkııa - Ýkraına bop birlese basqaralyq" dep usynys jasady.
Al bu kezde bunyń bárin kórip, estip otyrǵan resmı kreml kógerip talyp qaldy. Esin jıǵasyn bıyl óz azamattarynyń Túrkııaǵa baryp demalýyna tıym salyp óshin aldy.
Ras, Djo Baıden keshe sál shegindi. Endi Rejep Erdoǵan shegine me eken, sol qyzyq bop tur... Shyny kerek, qazirgi geosaıası jaǵdaı óte kúrdeli.... Kúnde bir qyzyǵy men shyjyǵy qatar shyǵyp jatyr. Baıqalyq, kúteıik, áli bul kıno bitken joq.
"Adyrna" ulttyq portaly
