İran AQŞ-pen İslamabadta ötetın kelıssözderdıŋ ekınşı kezeŋıne qatyspaitynyn mälımdedı, dep habarlaidy «Adyrna» tılşısı IRNA agenttıgıne sılteme jasap.
Tegeran būl şeşımın Vaşingtonnyŋ şamadan tys talaptary, sondai-aq AQŞ-tyŋ Ormūz būǧazyn būǧattaudy jalǧastyruymen tüsındırdı. İran mūny atysty toqtatu rejimın būzu dep baǧalap otyr.
Amerikalyq delegasiianyŋ İranmen bailanys ornatu üşın İslamabad qalasyna attanǧanyn 19 säuırde Donald Tramp mälımdegen edı. Onyŋ aituynşa, kezdesu 20 säuırge josparlanǧan. Aq üi basşysy kelısımge qol jetkızıledı degen ümıtı bar ekenın aityp, sonymen bırge Tegerandy «bıtımdı būzdy» dep aiyptady. Ol İslam Respublikasy kelısımge kelmese, barlyq elektr stansiiasy men köpırlerdı joiatynyn mälımdep, qoqan-loqy jasady.
8 säuırde AQŞ pen İran ekı aptaǧa atysty toqtatu turaly jariialaǧan bolatyn. Kelıssözderdıŋ alǧaşqy kezeŋı ötken demalys künderı İslamabadta ötıp, nätijesız aiaqtaldy.
Soǧan qaramastan, 17 säuırde Tegeran bıtım merzımı aiaqtalǧanǧa deiın barlyq kommersiialyq kemege Ormūz būǧazy arqyly ötuge rūqsat berdı. Būl Livandaǧy atysty toqtatu turaly kelısım aiasynda jüzege asty. Al Tramp taraptar kelısımge kelmeiınşe, İran porttaryna qoiylǧan blokadany alyp tastaudan bas tartty. Būǧan jauap retınde İslam revoliusiiasy saqşylar korpusy būǧazdy jabatynyn mälımdep, oǧan jaqyndauǧa tyrysqan kez kelgen kemege soqqy beretının eskerttı.
