"Tolyq emes otbasy" sanaty boıynsha jeńildetilgen ıpotekalyq nesıe alý úshin Qazaqstanda jalǵan ajyrasý kóbeıýde.Bul týraly "Otbasy bank" AQ basqarma tóraıymy Lázzat Ibragımova aıtty, dep habarlaıdy “Adyrna” ulttyq portaly.
Onyń aıtýynsha, bank nesıe berý boıynsha úsh jyldyq kezeńniń qorytyndysyna taldaý júrgizgen. Saraptamaǵa sáıkes, "tolyq emes otbasylar" sanaty sońǵy tórt jylda jyldam qarqynmen ósip keledi.
"Qazaqstanda 2017 jyly 54 626 ajyrasý tirkelgen. 2018 jyly olardyń sany 54 797-ge deıin ósti. 2019 jyly - bes myńǵa artyq jáne 59 796-ǵa jetti. Koronavırýs taralǵan kezeńde, ajyrasýǵa ótinish berý kúrdelene túskende kórsetkish 48 myńǵa deıin azaıdy. 2021 jyly qaıta ósip, 48 239 (ajyrasqan otbasylar) boldy. Biz jalǵan ajyrasý sebepteriniń biri - adamdardyń kezekke turǵysy kelýinde dep sanaımyz (ıpotekaǵa páter satyp alý úshin - esk.). "Tolyq emes otbasy" baǵyty boıynsha ajyrasý týraly kýálik jetkilikti", - deıdi Ibragımova.
Sondaı-aq, ol 23 qyrkúıekte Úkimet qaýlysy aıasynda tolyq emes otbasylarǵa "Shańyraq – 5-10-20" baǵdarlamasy boıynsha nesıe beriledi degen usynys qoldaý tapqanyn aıtty.
"Bular bala tárbıelep otyrǵan, biraq jumys isteıtin adamdar. Olar "Shańyraq - 5-10-20" baǵdarlamasy boıynsha alady. Aıyrmashylyq tek eńbekaqy mólsherlemesi boıynsha. Biraq ár otbasy deńgeıinde 30 000 teńge shamasynda", - dep qosty Lázzat Ibragımova.
