Bıyl aýqymdy sý tasqyny kútilmeıdi. Degenmen qatty jaýyn-shashyn bolǵan jaǵdaıda sý basýy múmkin birqatar óńirler bar. Bul týraly ekologııa, geologııa jáne tabıǵı resýrstar vıe-mınıstri Serik Qojanııazov málimdedi, dep habarlaıdy "Adyrna" ulttyq portaly derekkózge siltep.
"Qazgıdromet" málimetine súıensek, bıyl 2015, 2017 jyldary bolǵandaı aýqymdy sý tasqyny kútilmeıdi. Aýa raıynyń kúrt ózgerýi jáne qatty jaýyn-shashyn bolǵan jaǵdaıda Qaraǵandy, Aqmola, Soltústik Qazaqstan, Qostanaı, Almaty, Túrkistan, Jambyl jáne Shyǵys Qazaqstan oblystaryn jergilikti sý basý qaýpi bar", - dedi Qojanııazov OKQ brıfınginde.
Onyń aıtýynsha, qazir respýblıkanyń barlyq aýmaǵynda qar qarqyndy erip jatyr.
"Qar Qyzylorda, Mańǵystaý oblystarynda, sondaı-aq Almaty, Túrkistan jáne Jambyl oblystarynyń jazyq bóliginde tolyq erip ketti. Alaıda jazyqta ornalasqan eldi mekenderde sý basý qaýpi tek kóktemgi kezeńde ǵana bolsa, taýly jerlerde sý tasqyny qaýpi taýlarda qar erigende jáne qatty jaýyn-shashyn bolǵanda týyndaıdy", - dep eskertti Qojanııazov.
