Endi Erkin aýyldyq okrýginiń halqy sapaly em qabyldaý úshin qala ortalyǵyna sabylmaıtyn boldy. Ǵımaratty salýǵa jergilikti bıýdjetten 378 mln teńge jumsalǵan.
Jergilikti turǵyndar emdeý mekemesiniń qajettigi týraly Almaty oblysy ákimi Amandyq Batalovtyń byltyrǵy esep berý jıynynda aıtqan edi. Soǵan sáıkes qurylys jumystary qolǵa alynyp, bir jylda eski ǵımarattyń ornyna jańasy turǵyzyldy. El ıgiligine berilgen mekemede alǵash ret ekpe egile bastady.
Buryńǵy ambýlatorııa 1954 jyly salynypty. Aýmaǵy 400 sharshy metr bolatyn. Al, qazirgisi odan úsh esege úlken. Zamanaýı tehnıkamen jabdyqtalǵan mekemede 42 maman jumys isteıdi.
Mekemede balalardy damytý, massaj, fızıoterapııa, stomatologııa syndy birneshe bólim jańadan ashyldy. Arnaıy ýltra dybystyq zertteý qurylyǵysy qoıylyp otyr. Júkti áıelder úshin de jaǵdaı jasalǵan.
Jalpy óńirde ótken jyly 8 dárigerlik ambýlatorııa jáne 1 medınalyq pýnkt óz jumysyn bastaǵan. Endi «Jumyspen qamtý – jol kartasy» baǵdarlamasy aıasynda aldaǵy ýaqytta taǵy Jambyl, Qarasaı aýdandarynda eki dárigerlik ambýlatorııa ashylady, sonymen qatar shalǵaı aýyldarda jıyrma modýldy medıınalyq pýnkt paıdalanýǵa berilmek.
