Nege týa beresiz?

2344
Adyrna.kz Telegram
Betpaqdalada jyn joq, jyny nesi, dym joq. Adamy nesi, el joq... Ony bárińiz bilesizder. Túsimde osy betpaqdalaǵa ákim bolyppyn. Betpaqdala oblysy qurylyp, jan-jaqtan el kóship kelip, kósheler boı túzep... Qaqaǵan qys aıynda qalamyzdaǵy bir apaı birden bes bala tappasy bar ma? «Dala», «Jýsan», «Jantaq», «Topyraq» gazetteri shetterinen dabyralatyp jazyp jatty! Bir kúni buryn on balasy, endi qyzyl shaqa bes balasy bar alyp ana qabyldaýyma keldi. Eki balasyn arqasyna tańyp, eki balasyn etegine orap alyp, bir balasyn qoltyǵyna qystyryp kelgen apaı:
- Keshirińiz, 15 balanyń anasymyn, páter berilse dep. keldim....—dedi.
- Qaıda turyp jatyrsyzdar?--dep suradym men.
- Qasqyrdyń apanynda turyp jatyrmyz... Qasqyrdyń apany sýyq, jylý, gaz, svet joq...
- Svet kirgizip beremiz. Tapsyrma beremin,--dedim men.
- Svet joq bolsa da, svetke tólep jatyrmyz...
- Qalaı sonda?
- Bilmeımin, shyraǵym, áıteýir aıdyń aıaǵynda sýǵa, jylýǵa, svetke «kibitánsııa» kelip turady...Jer salyǵyn da tólep turamyz... «
- Im-m... Kúıeýińiz ne isteıdi?—dep suradym men.
- Kúıeýim múgedek... Eki aıaǵy joq.. Qasqyrlar kúnde apan aýzyna kelip, yryldap ketedi. «Shyǵyńdar!» deıdi...
- Qaqaǵan qysta shyǵarýǵa quqy joq! Sizdiń jasyńyz qanshada?
- Elý úshte...
- Uıalmaısyz ba apa... Kelinderińizben «marafonǵa» túsip...
Nege týa beresiz? Birdeńe kórindi me?
- Meniń jumysym bar, tús qaıta Astanaǵa ushyp ketýim kerek... Saý bolyńyz!
- Onda shyraǵym, myna bes balany jyly kabınetińe tastap ketemin! Kóktemge deıin! Saý bol shyraǵym!— degen alyp ana kabınetimnen shyǵa jóneldi... Stolymnyń ústinde ińgálap jatqan bes náresteniń daýsynan shoshyp, alyp ananyń artynan tura júgirdim. Áli júgirip kelemin...
Muhtar Sherim
"Adyrna" ulttyq portaly
Pikirler