Bügın, 9 qaŋtarda Astananyŋ qylmystyq ıster boiynşa audanaralyq sotynda erlı-zaiypty Däulet pen Tolqyn Totaqanovanyŋ ısı boiynşa sot ükımı jariialandy. Olar balasynyŋ emıne jinalǧan qarajatty ūrlady dep aiyptalǧan, dep habarlaidy "Adyrna".
Sot töraǧasy Qanat Tobaǧaliūly Tolqyn men Däulet Totaqanovty Qazaqstan Respublikasynyŋ Qylmystyq kodeksınıŋ ekı babymen kınälı dep tanydy:
- 190-bap, 4-bölım, 2-tarmaq ("Alaiaqtyq");
- 218-bap, 2-bölım, 1-tarmaq ("Qylmystyq jolmen alynǧan aqşa men (nemese) mülıktı zaŋdastyru (tazalau)").
"QR QK 58-babynyŋ 3-bölımıne säikes, qylmystardyŋ jiyntyǧy boiynşa jazalardy qosu arqyly Tolqyn Totaqanovaǧa 7 jyl bas bostandyǧynan aiyru, qarajat jinaumen bailanysty qaiyrymdylyq qyzmetımen ainalysu qūqyǧynan 10 jylǧa aiyru jäne mülkın tärkıleu jazasy taǧaiyndalsyn. QR QK 74-babynyŋ 1-bölımıne säikes, jaza 2 jylǧa keiınge qaldyrylsyn", – dedı sot töraǧasy.
Däulet Totaqanovqa da 7 jyl bas bostandyǧynan aiyru, qarajat jinaumen bailanysty qaiyrymdylyq qyzmetımen ainalysu qūqyǧynan 10 jylǧa aiyru jäne mülkın tärkıleu jazasy taǧaiyndaldy.
Būǧan deiın jūbailar üiqamaqta bolǧan. Daulet Totaqanov sot zalynda qamauǧa alyndy.
Totaqanovtar sot barysynda özderın foto-videoǧa tüsıruge qarsy boldy. Alaida sot ükımınen keiın Tolqyn Totaqanova ükımge kelıspeitının, şaǧym tüsıretının aitty.
«Kınämız joq ekenın däleldedık. Bızde milliard aqşa joq. 30 million teŋge qaryz alyp, 700 million teŋge qylyp qaitardyq. Bes jyl boiy üstındegı paiyzyn tölep keldık. Olardyŋ üstınen şaǧymdandyq, ol ıste bız jäbırlenuşımız», – deidı Tolqyn Totaqanova.
Tergeu deregınşe, 2020-2024 jyldary Totaqanovtar Instagram jelısınde ūlyna qoiylǧan diagnoz turaly aityp, balanyŋ emıne aqşa jinaǧan. Äleumettık jelıde emosiiaǧa toly video jariialap, ärı qarai taratyp otyrǧan. Nätijesınde erlı-zaiypty 1,3 mlrd teŋge jinaǧan, alaida balanyŋ emıne nebärı 6,4-6,5 mln teŋge jūmsaǧan.
Qalǧan aqşa Astanadan üş päter, jer telımın, bes avtokölık satyp aluǧa, brend kiım-keşekke, şetelge şyǧuǧa jäne bukmekerlık keŋselerdegı stavkalarǧa jūmsalǧan. Qarajattyŋ bır bölıgı (481 mln teŋgeden astamy) äleumettık jelıdegı paraqşany ılgerıletuge baǧyttalǧan
