Naýryzda Qazaqstanda benzın qymbattady. Nur-Sultanda, Almatyda jáne Shymkentte AI-92 markaly janarmaıy 160 teńgeden, orta eseppen 10 teńgeden artyq tóleı bastady. Munaı-gaz salasynyń mamany, «Baıdildınov. Munaı» baǵdarlamasynyń júrgizýshisi Oljas Baıdildınov mundaı qymbatshylyqtyń ne úshin bolyp jatqanyn túsindirdi, dep habarlaıdy "Adyrna" ulttyq portaly derekkózge silteme jasap.
Benzın baǵasynyń qymbattaǵany týraly jańalyqtardan keıin Energetıka mınıstrligi janar-jaǵarmaı qunyn basqarma kótermeıdi dep habarlama taratty. Búgingi kúni ishki naryqtaǵy munaı ónimderiniń baǵalary rettelmeıdi jáne olardy suranys pen usynysqa negizdelgen naryq anyqtaıdy.
Tutynýshylar úshin sońǵy baǵanyń kóterilýi munaı ónimderiniń kóterme baǵasyna, janarmaı beketterine deıingi barlyq kólik shyǵyndaryna, munaı bazalarynda saqtaýǵa, bólshek saýda dıstrıbıýtorynyń shyǵystaryna, sondaı-aq akızder men salyqtarǵa negizdelgen. Sarapshy Oljas Baıdildınov baǵanyń ósýi kóptegen faktorlarmen, sonyń ishinde valıýta baǵamymen, ınflıaııamen tikeleı baılanysty dep túsindirdi.
Ótken jyly baǵalar ósýi kerek edi. Shyndyǵynda, bir jyl buryn Qazaqstan Respýblıkasynda benzın ózindik qunynan tómen satyldy. Mysaly, munaı bizdiń zaýyttarǵa barreline shamamen 30 dollar baǵamen jetkiziledi, ıaǵnı álemdik baǵadan eki ese tómen. Eger barrel shıki munaıdyń lıtrin aýdaratyn bolsaq, onda álemdik naryqta bir lıtr qazaqstandyq munaı shamamen 170 teńgeni quraıdy, al benzın qazir lıtrine 160-165-ten satylýda. Iaǵnı, daıyn ónim shıkizatqa qaraǵanda arzan! Qaımaq sútten arzan bolǵan sııaqty. Mundaı jaǵdaı buryn-sońdy bolmaǵan. Iaǵnı, kez-kelgen taýar sııaqty munaıdyń da ózindik quny bar jáne ol jyl saıyn valıýta baǵamy, ınflıaııa, onyń ishinde jalaqynyń ósýi esebinen ósedi. Munaı men qyzmet kórsetý salasynyń qyzmetkerleri ony mezgil-mezgil talap etip otyrady, - dedi ol.
Ol Qazaqstan eń arzan benzın satatyn 10 eldiń qataryna enetinin atap ótti. Dálirek aıtsaq 8-orynda. Sonymen birge, Qazaqstanmen kórshiles elderde benzın ortasha eseppen 60-100 teńgege qymbattaıdy.
"Máselen, Reseıde jyl basynan beri bólshek saýda baǵasy 3% -ǵa ósip, AI-92 markaly benzın 270 teńgege jetti. Árıne, Qazaqstandaǵy arzan benzın kórshiles elderge kóleńkeli jetkizilimder úshin qolaıly jaǵdaı jasaıdy, dál solaı bolyp jatyr da. Mysaly, bizdiń soltústik oblystarda keıbir kezeńderde benzındi tutyný, mıllıoner qala Shymkentten de joǵary! Óıtkeni, benzınniń ár lıtrinen 80-100 teńge paıda taýyp, eksportqa shyǵarylatynyn barlyǵy túsinedi", dedi ol.
Bıyl elimizde eki munaı óńdeý zaýyty jańartylýda. Baǵanyń ósýi munaı óńdeý zaýytyn jóndeýge baılanysty boldy ma degen suraqqa sarapshy kelesideı jaýap berdi:
"MÓZ-di (Munaı óńdeý zaýyty) josparly jáne jospardan tys jóndeý, árıne, ishki naryqqa áser etýi múmkin. Degenmen, Úkimet bul máseleni árdaıym baqylaýda ustaıdy jáne josparly jóndeý jumystaryna deıin árdaıym qorlardyń qolaıly deńgeıin qamtamasyz etý mindeti turady. Qazirgi ýaqytta janar-jaǵarmaı tapshylyǵy sezilmeıdi. Bul da jaqsy. «Benzın tek talonmen» degen belgilerdi kezdestirgen kezder boldy. Alaıda, baǵa áli de ósedi. Qazaqstan men kórshi elder arasyndaǵy alshaqtyq tym úlken", dep qosty sarapshy.
"Adyrna" ulttyq portaly
