«DeFacto FM» ınternet-radıosy aqparat alańyn tolyqtyrdy

2613
Adyrna.kz Telegram

Almaty oblysynda alǵash ret 2020 jyly ınklıýzıvti baǵyttaǵy ınternet-radıo jumysyn bastaǵan edi. Jobanyń  negizin qalaýshylar «Meıirim» qoǵamdyq birlestigi.

Jetisý óńirinde 67 myń kem baǵaly adam turady. Olardy turaqty jumyspen qamtý, belsendi qoǵam ómirine tartý isi ózektiligin joıǵan emes. Osy oraıda, Almaty oblysynda mańyzdy bastama jolǵa qoıylǵan.

Endigi de óńirdegi múmkindigi shekteýli azamattar BAQ salasynda baǵyn synamaq. Oblystyq «Meıirim» qoǵamdyq birlestiginiń muryndyq bolýymen «DeFacto FM» ınternet-radıosy óz jumysyn bastaǵan bolatyn.

Búgingi kúni munda 4 kembaǵaly azamat pen 4 stýdent eńbek etýde. Olardyń mamandyqtary ár túrli bolǵanymen shyǵarmashylyqqa degen qyzyǵýshylyqtary radıonyń mańyna toptastyrǵan.

Solardyń biri Ernat Qasmuhanov. Ol 2-shi toptaǵy múgedek. Taǵdyry syn tezine salsa da esh moıymaǵan jan. Negizgi kásibi jattyqtyrýshy, ózi de sport salasynda jetistikterge qol jetkizgen azamat, QR sport sheberi.

Balalardy jattyqtyryp qana qoımaı, BAQ salasyna bet buryp júrgen jaıy bar. «DeFacto FM» ınternet-radıosynda jýrnalıst retinde shyńdalyp, suhbatqa negizdelgen baǵdarlamalardy ázirleıdi.

«DeFacto FM» radıosy bul erekshe qamqorlyqty qajet etetin jandardyń shyǵarmashylyq jaǵynan juldyzyn jaǵatyn orta. Munda olar damý men jetilýge múmkindik alady. Sonymen qatar jumysqa ornalasyp, ózderiniń quqyqtaryn zańdy túrde qorǵaı alatyn dárejege jetedi. Sebebi, bul aqparattyq alań. Munda júrip ózderine kerekti mańyzdy málimettermen tanysa alady»,-deıdi «DeFacto FM» ınklıýzıvti ınternet-radıosynyń ıntervıýeri Ernat Tóleýǵazyuly.

Joba jetekshileriniń aldyǵa qoıǵan maqsatty múgedekterdi eńbekke tartý, aımaqtaǵy jáne basqa da oblystardyń  múmkindikteri shekteýli adamdarynyń ádebı jáne mýzykalyq shyǵarmashylyǵyn damytý bolyp tabylady.

Búgingi tańda radıodaǵy maman sanyn arttyrý,  qajetti qural-jabdyqtarmen qamtamasyz etý isi jolǵa qoıylǵan.

«Biz arnaıy grant utyp aldyq. Onda 1 mln. teńge qarjylaı kómekke ıe boldyq. Sonyń arqasynda ınternet-radıo ashtyq. Bizge jumysqa turýǵa 20 shaqty adam keldi, olardyń ishinen tek 8-i ǵana shtatqa qabyldandy. Bizdiń jumysta kásibılikten buryn adamgershilik birinshi orynda. Óıtkeni, múmkindigi shekteýli jandarmen jumys jasaý ońaı emes»,-deıdi «Meıirim» múgedekter qoǵamdyq birlestiginiń basshysy Gúlvıra Nurhanqyzy.

Birlestiktiń qolǵa alǵan isi munymen tolastar emes. Aldaǵy tańda qoǵamnyń erekshe músheleri eńbek etetin sulýlyq salony alyshmaq. Osylaısha óńirdegi sheksiz múmkindikke ıe azamattar úshin damýdyń dara joly ashylmaq.

Pikirler
Uqsas jańalyqtar