Óńirdi ıfrlandyrý týraly OKQ-da ótken baspasóz máslıhatynda Shyǵys Qazaqstan oblysynyń ákimi Danıal Ahmetov aıtyp berdi, dep habarlaıdy QazAqparat tilshisi.
Oblysta vedomstvoaralyq biryńǵaı sıtýaııalyq ortalyq qurylyp, tájirıbelik sıpatta paıdalanýǵa berilgen. Danıal Ahmetovtiń aıtýynsha, Nur-Sultan, Almaty jáne Qyzylorda qalalaryndaǵy ortalyqtardan qaraǵanda, onyń basty ereksheligi - joldaǵy, áleýmettik nysandardaǵy qaýipsizdikti qamtıtyn, shuǵyl jáne kommýnaldyq qyzmetterdi usynatyn barlyq aqparattyq júıeni biriktirýi bolyp otyr.
Ákimdikten habarlanǵandaı, onyń qurylymyna sıtýaııalyq jáne ınvestıııalyq ortalyq, jedel aqparat ortalyǵy («Sergek», qoǵamdyq tártip, beınebaqylaý), tótenshe jaǵdaılar jáne kommýnaldyq qyzmet, «109», EDDS-112 biryńǵaı kezekshilik-dıspetcherlik qyzmeti kiredi. Biryńǵaı kezekshilik dıspetcherlik qyzmet iske qosylǵaly beri 112 men 109 qyzmeti 23 myń qońyraý qabyldap, 7 myń quqyqbuzýshylyqty anyqtaǵan.
«Sonymen qatar, aımaqta qońyraýlardy qabyldaý jáne óńdeý boıynsha barlyq qyzmetterdi biriktiretin biryńǵaı alań bar. 15 tamyzdan bastap azamattardyń jaýaptar sapasyna qanaǵattaný deńgeıin jáne memlekettik organdar qyzmetiniń tıimdiligin arttyrý úshin ótinish berýshilerdiń SMS-habarlamalary arqyly keri baılanys sapasyn baǵalaý júıesi engizildi», - dedi Danıal Ahmetov.
«Adyrna» portaly
