Aqtaý qalasyndaǵy Nazarbaev Zııatkerlik mektebiniń oqýshylary Nurlybek Ońdaǵan men Myrzaáli Asanov zaǵıptar qoǵamy úshin jańa kózildirik túrin oılap tapty.
Statıstıkalyq málemetterge súıensek álem qoǵamynda 300 mıllıonnan astam kórý qabiletinen aırylǵan jandar ómir súredi. «DolphEYE» dep atalatyn kózildirik zaǵıp jandardyń kúndelikti ómirinde týyndaıtyn qolaısyzdyqtardyń aldyn alady. Bul kózildirik zaǵıp janǵa A núktesinen B núktesine kedergisiz jetýine múmkindik beredi.
- Ár ǵylymı zertteýdiń basty maqsaty qazirgi tańdaǵy qoǵam máseleleriniń aldyn alýmen ne sheshýimen ushtasýy kerek. Sondyqtan, byltyrǵy jobam qoǵamdaǵy «kishkentaı adamdar» jaıynda bolsa, kezekti jobam zaǵıp jandardyń kúndelikti ómirdegi qolaısyzdyǵynyń aldyn alýǵa baǵyttaldy. Jetekshimiz Ibaly Talǵatqyzynyń qoldaýymen júzege asqan «DolphEYE» kózildirigi, álemniń zaǵıp jandar qoǵamyna úlken kómegin tıgizedi degen senimdemin,- deıdi joba avtory Nurlybek Ońdaǵan
Joba avtory Myrzaáli Asanovtyń aıtýy boıynsha zaǵıp jandardy qoǵamnan alystatyp almaý, olardyń kompleks máselesine beıjaı qaramaı, qoǵamda qolaıly ómir súrýine múmkindikter jasaý maqsatymyz deıdi.
- «DolphEYE» kózilidirigi zaǵıp jandarǵa kúndelikti ómirde qolaıly qozǵalýǵa kómektesip qana qoımaı, qoǵamdaǵy «kompleks» máselesin sheshýge arnalǵan. Bul sheshimge jetý maqsatynda Nurlybek ekeýmiz Arduino Nano platosymen qatar arnaıy qosymshalardy qoldandyq. Arduino Nanoplatosy kedergi jaıly aqparatty jetkize alady, - Myrzaáli Asanov
Atalmysh joba Astana qalasynda ótken Nazarbaev Zııatkerlik mektepteri oqýshylary arasynda jalpy bilim beretin pánderden jelilik ǵylymı jobalar baıqaýynda fızıka baǵyty boıynsha «DolphEYE» jobasy úzdik dep tanylyp, birinshi oryndy ıelendi.
