«Kürşım - Adaldyq alaŋy» jobasynyŋ qaraşa aiyndaǧy josparyna säikes, aǧymdaǧy jyldyŋ 27 qaraşasy künı Kürşım audanynyŋ Q.Tūrar atyndaǧy mädeniet üiınde «Elektrondy azamat» atty körsetıletın memlekettık qyzmetter järmeŋkesı öttı.
«Kürşım - Adaldyq alaŋy» jobasynyŋ maqsaty: azamattarǧa qolaily jaǧdai jasau bolǧandyqtan, järmeŋkede memlekettık qyzmetter sapasyn arttyru, körsetıletın memlekettık qyzmetter turaly halyqtyŋ habardar bolu deŋgeiın arttyru jäne elektrondyq memlekettık qyzmetterdı keŋınen taratu negızınde elektrondy qyzmetterdıŋ qolaily ärı jyldamdyǧy turaly tüsındıru jūmystary jürgızıldı. Järmeŋke audan äkımınıŋ apparatymen jergılıktı atqaruşy organdarymen bırlesıp ötkızıldı.
Sondai-aq, derbes bölımderdıŋ mamandary, densaulyq saqtau, memlekettık kırıster salasynyŋ mamandary tarapynan azamattarǧa, jeke käsıpkerlerge konsultasiialyq keŋester de berıldı.
Tūrǧyndarǧa asa qajettı qyzmetter: elektrondy sifrly qoltaŋba alu, tūrǧyn üi kezegıne tūru, azamattyq hal aktılerı salasyndaǧy qyzmetter (nekege otyru, äkelıktı anyqtau, tegın özgertu, bala tuudy tırkeu t.b.), salyqty onlain töleu, därıgerdı üige şaqyrtu, narkalogiialyq, psihonevrologiialyq anyqtamalardy qalai alu kerektıgı tüsındırıldı.
Järmeŋkege 150 adam qatysyp, onyŋ ışınde 64 adam memlekettık qyzmetterdı elektrondy türde aldy.
Sonymen qatar, halyqqa jadynamalar, broşiuralar taratyldy.
Ūqsas jaŋalyqtar
