Shymkentte 7351 adamǵa koronovırýsqa qarsy ekpe salyndy

1998
Adyrna.kz Telegram

Bul týraly búgin Aqparattyq-kommýnıkaııalyq ortalyǵynda ótken brıfıngte Shymkent qalalyq Densaýlyq saqtaý basqarmasynyń basshysy Baqytjan Pozılov málimdedi.

– Shymkent qalasyna osy jyldyń 31 qańtarynan bastap «Spýtnık-V» vakınasynyń I komponentine 7400 doza, II komponentine 5800 doza jetkizildi. Iaǵnı koronavırýsqa qarsy reseılik ekpeniń birinshi komponenti 7351, ekinshi komponenti 1876 adamǵa salyndy. Al ekpe qabyldaǵandarda keri áser baıqalmaǵan, – dedi Baqytjan Joldasbekuly.

Spıkerdiń sózinshe, qalada 11 PTR zerthanasy jumys isteıdi. Atalǵan zerthanalar táýligine 6 270 test jasaýǵa qaýqarly. Tarqatyp aıtsaq, shetelge shyǵatyn jolaýshylar men ózdiginen tekserilýge nıetti turǵyndar aqyly testileýden ótedi. Al josparly túrde PTR testin tapsyratyn barlyq sanattaǵy adamdarǵa synama tegin júrgiziledi.

Brıfıng barysynda basqarma basshysy koronavırýs ınfekııasyn aýyzdyqtaýdyń jalǵyz joly vakınaııalaý ekenin alǵa tartty. Osy oraıda ol qala turǵyndaryn ekpe saldyrýǵa shaqyrdy.

Aıta keteıik, úshinshi megapolıste vakınaııalaýǵa arnalǵan 38 egý pýnkti, 320 termokonteıner daıyndalǵan. Bul rette 1-2 sáýir kúni qalaǵa reseılik «Spýtnık V» vakınasynyń 7300 jáne otandyq «QazCOVID» vakınasynyń 2400 dozasyn ákelý josparlanyp otyr.

Shymkent qalasynyń Aqparattyq-kommýnıkaııalyq ortalyǵy

Foto – Ernar Mamyr

Pikirler