Búgin Aqparattyq-kommýnıkaııalyq ortalyǵynda ótken brıfıngte Shymkent qalalyq Bilim basqarmasynyń basshysy Janat Tájıeva 2020-2021 oqý jylynyń IV toqsanynda oqý proesin uıymdastyrý, oqýshylardy 1-synypqa qabyldaý jáne ulttyq biryńǵaı testileý boıynsha jan-jaqty baıandady.
– Shymkentte bıylǵy oqý jylynyń IV toqsanynda jalpy bilim beretin mektepterde synyptaǵy oqýshy sany 25 adamnan asyrylmaı aralas formatta oqytylady. Sonymen qatar 300 oqýshyǵa deıingi mektepterde oqýshy sanyn 25-ten asyrmaı dástúrli formatta oqytý uıymdastyrylýda. Al sabaqtan tys ýaqytta bilim berý ákimshiliginiń sheshimine sáıkes 15 adamnan aspaıtyn topta jekeleı oqytýǵa ruqsat etiledi. Bul sheshimder negizinde biz qalalyq Bas sanıtardyń Qaýlysyna súıenemiz, – dedi J.Tájıeva.
Basqarma basshysynyń aıtýynsha, joǵarǵy synyp oqýshylaryn attestattaý 9-synyptarda 28 mamyr – 7 maýsym, al 11-synyptarda 1–10 maýsym aralyǵynda barlyq sanıtarlyq talapty saqtaı otyryp uıymdastyrylady. Odan bólek, 1-synypqa balalardy qabyldaý 11 qadamnan turatyn nusqama arqyly júrgiziledi. Qujattar elektrondy formatta «Elektrondyq úkimettiń» veb portaly arqyly 1 sáýirden 1 tamyzǵa deıin qabyldanady.
Baspasóz májilisinde Janat Arysbekqyzy bıyl ótetin Ulttyq biryńǵaı testileýdiń ereksheligine toqtaldy.
– Bul jyly Ulttyq biryńǵaı testileý boıynsha talapkerlerge 4 múmkindik berilip otyr. Aqyly testileýdiń birinshisi qańtar aıynda ótti. Al ekinshisi 10 naýryz ben 10 sáýir aralyǵynda ótip jatyr. Osy oraıda úmitker aqysyz grantqa túsý múmkindigi boıynsha sáýirdiń 11-i men maýsymnyń 30-y aralyǵynda 2 ret óz baǵyn synaı alady. Ol úshin oqýshy test tapsyratyn oryndy, kúndi jáne ýaqytty óz qalaýy boıynsha tańdaıdy, – dedi basqarma basshysy.
Aıta keteıik, qalada IV toqsan barysynda ata-analarǵa balalaryna mektep formasyn satyp alýdyń qajeti joq. Bul dástúrli tərtip mindettelmeıdi. Iaǵnı, oqýshylarǵa bilim oshaǵyna erkin, uqypty jáne jınaqy kıimde barýǵa ruqsat berilip otyr.
Eskertetin jaıt, bilim berý uıymdarynda sabaq oqytý barysynda barlyq sanıtarlyq talap saqtalady.
Shymkent qalasynyń Aqparattyq-kommýnıkaııalyq ortalyǵy
Foto – Ernar Mamyr
