Memlekettik grant arqyly logopedııalyq kabınet ashqan

3167

Shymkent qalasynyń turǵyny Sana Mamyrova «Eńbek» memlekettik baǵdarlamasynyń II-baǵyty boıynsha qaıtarymsyz memlekettik grantqa qol jetkizgen.

Ol ótken jyly jumyspen qamtý ortalyǵynda jumyssyz retinde tirkelip, maýsym aıynda 21 kúndik «Bastaý bıznes» oqý kýrsyn oqyp, sertıfıkat aldy. Keıinnen qaıtarymsyz grantqa «Logoped-defektologııa kabınetin» ashý boıynsha komıssııaǵa bıznes-josparyn usynyp, ótinim bildirgen.

Nátıjesinde Sananyń jobasy maquldanyp, qyrkúıek aıynda 200 AEK kóleminde grant utyp aldy. Sol qarjyǵa Temirlan tas joly boıynda ornalasqan «Jak-med» medıınalyq ortalyqtyń ishinen logopedııalyq kabınet ashty.

Sana Erdáýletqyzy medıına akademııasyn támamdaǵan defektolog-logoped. Sonymen qatar, Reseıdegi Ekaterınbýrg qalasynda memlekettik medıınalyq ýnıversıtette «mıkropolıarızaııa ádisi» boıynsha bilim alǵan jas maman. Byltyrdan beri qaladaǵy defektologııalyq kemshilikteri bar balalarǵa logopedııalyq sabaq úıretýde.

Kásibin odan ári damytý maqsatynda óziniń áleýmettik jelidegi paraqshasynda aıyna bir ret arnaıy konkýrs uıymdastyryp, jeńimpazǵa mıkropolıarızaııa kýrsyn, logopedııalyq sabaǵyn tegin usynyp júr.

Jalpy, atalǵan memlekettik baǵdarlama sheńberinde ótken jyly Shymkent qalasynda 7 722 adam jappaı kásipkerlikti damytý sharasyna qatysty. Onyń ishinde 74 adam shaǵyn nesıe alsa, 4828 adam qaıtarymsyz memlekettik grantqa qol jetkizdi. Al, «Bastaý bıznes» jobasy aıasynda 2820 adam qosymsha bilim aldy.

Shymkent qalasy ákimdiginiń baspasóz qyzmeti

 

 

Pikirler
Redakııa tańdaýy