JerKom quryldy!
Endi bul komıssııanyń aldaǵy atqaratyn jumysyna qatysty birneshe suraqtar týyndap otyr.
1) Bul qurylǵan Jer.Kom-nyń quziretine ne jatady?
a) Jer kodeksine ózgeristerdi ázirlep, tek parlamentke usynyp, sonymen óz mıssııasyn aıaqtaıdy ma(taratylady ma?)?
b) Ol usynǵan zańdary Parlamentte qoldaý tappaı qalsa she?
Parlamentten qoldaý tapqan kúnde de, prezıdentke unamaı qalsa she?
Mundaı jaǵdaı da qalaı rettelmek?
v) Osy qurylǵan Jer.Kom-nyń quzyretin aıqyndaıtyn naqty bekitilgen qujat bar ma?
Ony qaıdan oqýǵa bolady?
2) QR-nyń ASh jerleriniń taǵdyryn tek osy 80 adam ǵana sheshedi me?
a) JerKom-nyń jumys tártibi qandaı?
Óńirlerde kóshpeli jıyndar arqyly halyqtyń pikirin jınaqtaıdy ma?
Álde, 80-i bir jerde otyryp ózderi sheshe beredi me?
3) Bul Jer.Kom-nyń dárejesi qandaı?
Tek usynys berýleri úshin ǵana qurylǵan organ ba?
Álde, JerKom-nyń usynǵan jobasy "zań" bolyp, parlament tek aldaryna osylar aparyp bergen zań jobasyn eshqandaı talqylaýsyz bekitetindeı quziret berilgen be?
a) Álde, ASh jerine qatysty zańdy qabyldar da, qurylǵan JerKom parlamenttiń rólin atqarady ma?
4) Ózderi ázirlegen sońǵy nusqasyn qabyldaý tártibi qalaı?
a) 80-i otyryp daýysqa salyp sheshedi me?
Álde, jalpy halyqtyq daýysqa salady ma?
b) Aldyńǵy JerKom-daǵydaı, ázirlengen sońǵy nusqalaryna birli-jarymdy qarsy bolǵan músheleriniń qarsylyǵyna qaramastan, daýysqa salý qortyndysymen sheshile salmaq pa?
Sońǵy usynysyn osyndaı tártippen qabyldanar bolsa, Muhtar Taıjan sııaqty aldyńǵy JerKom-da múshesi bolǵan azamattar mundaı tártippen qabyldanatyn usynystyń sońy qalaı bolatynyn umytpaǵan bolar.
Óıtkeni, dál sol kezdegideı ASh mınıstirligi qandaı ózgeristerdi daıyndap ákelse, birli-jarymdy qarsy bolǵandarǵa qaramastan daýys qortyndysymen sol usynystary qabyldanatyny besheneden belgi emes pe?
Bul joly Muhtar Taıjan, Jánibek Qojyq, Dos Kóshim t.b. azamattar sońy osyndaı bolaryn bilip turyp, osyndaı tártippen jumys isteýge sanaly túrde barady ma?
Álde, mundaı tártippen qabyldanýyna qarsy bolar ma eken?
5) Aldyńǵy JerKom-daǵy 75-teı múshesiniń, 12 ǵana halyq arasynan barǵandar bolǵan. Qalǵandary úkimettiń múshelerinen jasaqtalǵan edi. Sońynda daýysqa salǵanda nátıjesi qalaı bolǵanyn kózderińizben kórdińizderǵoı.
Bul joly da sondaı tártippen qabyldanbaq pa?
a) Osyndaı tártippen qabyldanýyna qazirgi JerKom músheleri sanaly túrde kelisedi me eken?
Minekeı aǵaıyndar!
Bizderdiń aldymyzda osyndaı basy ashylmaǵan suraqtar tur!
Anaý edi- mynaý edi dep aıdalaǵa dalaqtamaı, jattandy bos uranmen halyqtyń basyn qatyrýdy doǵaryp, eń áýeli osyndaı suraqtardyń basyn ashyp alýymyz kerek!
Bos urannyń ýaqyty ótti!
Endigi jerde saýatty áreketter kerek!
Maqsat Tolyqbaı sekildi JerKom músheleri joǵarydaǵydaı suraqtarǵa qalaı jaýap berer eken? Basqalary da?
Rústem AShETAEV
