Túrkistan qalasyndaǵy Qoja Ahmet Iasaýı atyndaǵy Halyqaralyq qazaq-túrik ýnıversıtıtiniń Botanıkalyq baǵynda otyrǵyzylǵan 3000 túp Nazarbaev qyzǵaldaǵy gúldedi, dep habarlaıdy «Adyrna» tilshisi oblys ákimdiginiń baspasóz qyzmetine silteme jasap.
«Prezıdent Nazarbaev» dep atalatyn qyzǵaldaqtyń jańa surypy byltyr egilgen. Túrki elderiniń sammıtine oraı Nazarbaev qyzǵaldaǵyn arnaıy jylyjaıda ósirýmen jáne kútim jasaýmen aýyl sharýashylyǵy ǵylymdarynyń doktory, professor Amangeldi Apýshev jáne bıologııa ǵylymdarynyń kandıdaty Bahadýr Iýsýpovtyń jetekshiligimen júzege asýda. Aldaǵy ýaqytta qyzǵaldaq gúliniń sanyn edáýir arttyrý kózdelgen.
«Qazaqstan – qyzǵaldaqtyń otany bolyp sanalatynyn ǵalymdar ǵylymı eńbektede dáleldegen jáne Elbasy óziniń «Uly dalanyń jeti qyry» maqalasynda da erekshe atap ótti. Qazaqstan jerinen alǵash ret dala qyzǵaldaqtary XVIII ǵasyrda túrik padıshahtary arqyly Túrkııaǵa, odan ári Avstrııa men Gollandııaǵa taratyldy. Qazirgi kezde Gollandııa eli qyzǵaldaqtyń túrli sorttaryn shyǵarýda. Elbasy N.Nazarbaevtyń maqalasy shyqqannan keıin, Gollandııada 3 túrli sortty qyzǵaldaqtyń túri daıyndaldy. Atap aıtqanda, «Prezıdent Nazarbaev», «Respýblıka Kazahstan», «Astana» sorttary», – deıdi bıologııa ǵylymdarynyń kandıdaty Bahadýr Iýsýpov.
Túrkistan qalasynyń turǵyndary men qonaqtary Elbasy atymen atalatyn ásem qyzǵaldaq gúlin ýnıversıtıttiń botanıkalyq baǵynan tamashalaı alady. Ýnıversıtet ǵalymdarynyń qyzǵaldaq ósirýdiń zamanaýı tehnologııalaryn ıgerýiniń arqasynda bıylǵy jyly Botanıkalyq baqta qyzǵaldaqtyń 7 sorty ósirilip, gúldedi. Ýnıversıtet ǵalymdarynyń qyzǵaldaqtyń bul túrin jappaı ósirýdi qolǵa almaq. Sondaı-aq qyzǵaldaq gúliniń jańa suryptaryn shyǵarý baǵytynda da zertteý jumystary júrgizilýde.
«Adyrna» ulttyq portaly
