Fýtbolǵa aqsha salǵansha úısiz júrgen jastarǵa baspana ápereıik...

3263
Adyrna.kz Telegram

Fýtboldan Qazaqstan ulttyq quramasy 2022 jylǵy álem chempıonatynyń irikteý týrnırindegi alǵashqy matchynda Franııaǵa ese jiberdi, dep habarlaıdy "Adyrna" tilshisi.

Franııa bapkeri Dıde Desham alǵashqy mınýttan bastap kelesi oıynshylardy oıynǵa qosqan edi: Lorıs, Dın, Langlet, Zýma, Dıýbýa, Ndombele, Pogba, Marsıal, Grızmann, Lýmar, Dembele.

Al Qazaqstan quramasyn: Mokın, Bystrov, Erlanov, Malyı, Alıp, Valıýllın, Mýjıkov, Taǵybergen, Vasılev, Nýrgalıev, Fedın alyp shyqty. Komanda kapıtany Qostanaılyq «Tobyl» klýbynyń jartylaı qorǵaýshysy - Azat Nurǵalıev boldy.

Nur-Sultandaǵy «Astana Arena» stadıonynda ótken kezdesý 2: 0 esebimen qonaqtardyń paıdasyna tústi. 19-mınýtta  alǵashqy goldy áıgili «Barselonanyń» shabýylshysy Ýsman Dembele soqty. Oǵan Antonı Martıal goldyq pas shyǵarǵan edi. Al 44-mınýtta Sergeı Malyı óz qaqpasyna gol soǵyp, avtogol jasady.

Ekinshi taımda Kılıan Mbappe alańǵa shyqty. Álemniń eń qymbat fýtbolshysy oıynǵa qosyla salysymen-aq sheberligin tanytar edi biraq, kóp múmkindikti qalt jiberip aldy. Tipti 75-mınýtta Mbappe penaltı aldy, alaıda bizdiń qaqpashy Aleksandr Mokın onyń soqqysyn qaıtara bildi.

Irikteýdegi birinshi jeńisinen Franııa tórt upaıǵa ıe boldy. Topta sońǵy orynda turǵan Qazaqstannyń nóldik upaıy bar. Talǵat Baısýfınovtyń komandasy kelesi oıyndy 31 naýryzda, túnde Ýkraınaǵa qarsy ótkizedi.

"Adyrna" ulttyq portaly

Pikirler