Qazaqstan men İran Ormuz būǧazyndaǧy Şahid-Radjai portynda qazaqstandyq kölık-logistikalyq terminal salu jönındegı Build-Operate-Transfer – salu, paidalanu jäne beru (BOT) kelısımıne qol qoidy, dep habarlaidy «Adyrna» tılşısı.
Kelısım 27 jyl merzımge jasalǧan. Onyŋ ışınde 2 jyl terminal qūrylysyn jürgızuge, al keiıngı 25 jyl nysandy paidalanuǧa arnalǧan. Al jobanyŋ üşınşı jylynda terminaldy kommersiialyq paidalanuǧa beru josparlanǧan.
«Atalǧan jobanyŋ jüzege asyryluy Qazaqstan men İran arasyndaǧy kölık-logistikalyq yntymaqtastyqty damytudaǧy maŋyzdy kezeŋ bolmaq. İrannyŋ eŋ ırı portynda Qazaqstan terminalynyŋ qūryluy «Soltüstık – Oŋtüstık» halyqaralyq kölık dälızınıŋ tranzittık äleuetın nyǧaituǧa, logistikalyq baǧyttardyŋ tūraqtylyǧyn arttyruǧa, sondai-aq qazaqstandyq önımnıŋ Parsy şyǧanaǧy elderınıŋ, Oŋtüstık jäne Oŋtüstık-Şyǧys Aziianyŋ, sondai-aq Şyǧys Afrika naryqtaryna tiımdı şyǧuyn qamtamasyz etu arqyly eksport geografiiasyn keŋeituge mümkındık beredı»,– delıngen Sauda jäne integrasiia ministrlıgınıŋ habarlamasynda.
