Óskemen jylý elektr ortalyǵynyń jumysy da syr berdi. Bul týraly "Habar 24" telearnasy habarlady, dep jazady "Adyrna" ulttyq portaly.
Búgin mektepterde sabaq ýaqytsha toqtalyp, oqýshylar qashyqtyqtan bilim aldy. Al, qala jastary men keıbir mekeme mamandary kóshe tazalap júrgen jumysshylar men aıaldamadaǵy jolaýshylarǵa ystyq shaı taratty.
Qatty aıazda Óskemen jylý elektr ortalyǵy páterlerdi jylyta almaı jatyr. Jelidegi sý mólsheri kóbeıip, saldarynan temperatýra túsip ketken. Turǵyndar baspanasynyń salqyndap ketkenin aıtyp shaǵymdanýda. Degenmen jylý stanııasynda aqaý bolǵanyn mamandar jasyrmady. Qazandyq agergattarynyń birinde datchık isten shyqqan. Biraq eki saǵat ishinde jóndelgen. Endi sý aınalymy qalypqa kelgenshe shydaýǵa týra keledi.
"Qazir stanııa qyzmeti shtattyq rejimde. 7 qazandyq 6 týrboagregat jumysy istep tur. Degenmen jóndeý jumystary áli de jalǵasyp jatyr. Stanııa qýatyn azaıtyp, kerisinshe jelidegi tempereatýrany arttyrýǵa múmkindik jasadyq. Ishki sharalar aıaqtalǵan soń,barlyǵy retteledi", - deıdi «Óskemen JEO» kezekshi aǵa ınjeneri Evgenıı Vasılev.
Shyńyltyr aıaz shahardaǵy kólik qozǵalysyn qıyndatty. Qoǵamdyq transporttyń 40 proenti jelige shyqpady. Júrip júrgenderi de jıi synyp jatyr. Ony aýystyratyn kelesi kólik shyqqansha aıaldama adamǵa lyq tolady. Aıazǵa shydamaı elektr symdary úzilgen tramvaılardyń da birnesheýi turalap tur. Degenmen avtopark qazir kúsheıilgen tártipke kóshipti.
"Tehnıkanyń aty tehnıka,shydamaı jatyr. Máselen júrip kele jatyp synyp qalǵan avtobýsty ózderinshe jóndemek bolǵan eki júrgizýshimiz qoldaryn úsitip aldy. Negizinen olar sol jerden jolaýshylardy túsirip, avtoprakke qaıtý kerek edi, biraq adamdardy tıisti aıaldamaǵa jetkizip salmaqshy bolyp jantalasqan. Sondyqtan eshkimge ońaı tımeı tur",- deıdi qalalyq Jolaýshylar tasymalyn basqarý ortalyǵynyń dırektory Nursultan Káribekov.
"Adyrna" ulttyq portaly
