Foto Jİ kömegımen jasaldy
28 tamyzda Qazaqstannyŋ Dubaidaǧy Bas konsuldyǧy bır üidıŋ qyzdary Aqjan jäne Jūldyz Bohanovanyŋ denelerın Qazaqstanǧa jöneltudı ūiymdastyrdy, dep habarlaidy "Adyrna" tılşısı.
Būl turaly Qazaqstan syrtqy ıster ministrlıgınıŋ resmi ökılı habarlady.
Bır üidıŋ qyzdary Aqjan men Jūldyz Bohanova Bırıkken Arab Ämırlıkterınıŋ Şardja qalasynda jūmys ıstegen. 2006 jäne 2004 jyly tuǧan qyzdar tamyzdyŋ soŋy – qyrküiektıŋ basynda Qazaqstanǧa qaituy kerek bolǧan. Alaida olar bır apta būryn jaqyndarymen bailanysyn üzgen. Qyzdardyŋ tuystary olardy barlyq jerden ızdegenın aitqan. Keiın BAÄ qūqyq qorǧau organdary ekı qazaqstandyqtyŋ denesı tabylǧanyn habarlaǧan. Tuystarynyŋ aituynşa, qyzdar qaza bolǧan, al küdıktı ūstalǧan. Ol da Qazaqstan azamaty. Qazırgı uaqytta BAÄ qūqyq qorǧau organdary qyzdardyŋ ölımıne qatysty tergeu jürgızıp jatyr. Qazaqstandyq diplomattar Ämırlık prokuraturasymen jäne basqa da qūzyrly organdarmen bailanysta.
SIM ökılı Janbolat Üsenovtıŋ aituynşa, qazaqstandyq diplomattar marqūmdardyŋ otbasyna qajettı kömek körsetudı jalǧastyrady. Tergeu müddesıne bailanysty ıstıŋ basqa män-jailary äzırge jariialanbaidy.
