Búgin Shymkenttegi Ál-Farabı atyndaǵy ǵylymı-ámbebap kitaphanada «Ál-Farabı murasy – órkenıet qazynasy» taqyrybynda halyqaralyq ǵylymı-teorııalyq konferenııa ótti.
Uly ǵulama Ál-Farabıdiń 1150 jyldyǵyna arnalǵan jıyndy tarıh ǵylymdarynyń doktory, professor, akademık Sattar Majıtov júrgizse, is – sharany Shymkent qalasy ákiminiń birinshi orynbasary Shyńǵys Muqan ashyp berdi.
«Búgingi konferenııa respýblıkalyq kólemde ótip jatyr. Shymkent qalasy Ál-Farabı murasyn tereń zertteýge úlken basymdyq berip otyr. «Otyrar» kitaphanasyna Ál-Farabıdiń atyn berip, bolashaqta «Farabıtanýshy» kitaphana etý josparymyzda bar. Sebebi, ǵulama Shymkent pen Túrkistannyń arasynda ornalasqan - Otyrarda bilim izdep, shyǵysqa baryp ǵylym shyńyna shyqqan. Sondyqtan mundaı úlken kitaphanynyń Ál-Farabıdyń atymen atalýy zańdylyq, - dedi Shyńǵys Muqan.
Konferenııada Ábý Nasyr ál-Farabıdiń ǵylymı traktattarynyń negizgi prınıpteri talqylanyp, ǵylymı jumystaryn zertteý boıynsha ǵylymı jumystardyń biryńǵaı derekqoryn qurý jáne onyń shyǵarmalaryn nasıhattaý sóz boldy. Ábý Nasyr ál-Farabıdiń baı shyǵarmashylyq jáne ǵylymı murasyna halyqtyń jáne jurtshylyqtyń nazaryn aýdarý, ǵylymı murasyn zertteý, ǵalymnyń ǵylymı materıaldary boıynsha biryńǵaı derekter bazasyn qurý máselesi aıtyldy.
Atalǵan is-sharaǵa fılosofııa ǵylymdarynyń doktory, professor Ábsattar Derbisáli, belgili ǵalym, fılosofııa ǵylymdarynyń doktory, professor Ǵarıfolla Esim jáne elimizdiń zııaly qaýym ókilderi Marhabat Baıǵut, Sattar Majıtov, Úmithan Muńalbaeva, Barshagúl Qashqanqyzy men Abdýlla Jumashev qatysýda. Sonymen qatar, Franııanyń eńbek sińirgen professory Albert Fıshler men AQSh-tyń Ogaıo ýnıversıtetiniń professory Djeıms Patrık onlaın qosylyp, aǵartýshy ǵalymdy umytpaı, eńbekterin óskeleń urpaqqa tanytyp jatqandary úshin Qazaq eline alǵysyn bildirdi.
Shymkent qalasy ákimdiginiń baspasóz qyzmeti
