Shymkentte ótken respýblıkalyq «Naýryz» aıtys óz máresine jetti

1275
Adyrna.kz Telegram

Shymkentte Ulystyń uly kúni men Táýelsizdiktiń 30 jyldyǵyna oraı, qala ákimdiginiń uıymdastyrýymen ótken «Júrsinniń júırikteri, Sábıttiń sáıgúlikteri», «Naýryz, gúl kóktem, jyl basy» atty respýblıkalyq aqyndar aıtysy óz máresine jetti. Eki kúnge sozylǵan aıtysqa búkil respýblıkadan 15 aqyn shaqyrylǵan bolatyn. Aıtystyń ekinshi kúnine bes jup aqyn iriktelip alyndy. Aıtysty belgili aqyn Júrsin Erman júrgizse, dúbirli dodany tamashalaýǵa Shymkent qalasynyń ákimi Murat Áıtenov keldi.

Naýryzdy jyrǵa qosqan aqyndar, el birligi men yntymaqty, ulttyq qundylyǵymyz ben dástúrimiz jaıyn sóz etti. Halyq ártisi Asanáli Áshimov bastaǵan qazylar alqasynyń sheshimimen bas júlde Nur-Sultan qalasynan kelgen Erkebulan Qaınazarovqa berildi.

Toptan oza shapqan aqynǵa qala ákiminiń birinshi orynbasary Shyńǵys Muqan 2 mıllıon teńgeniń sertıfıkatyn tabys etti. Al birinshi orynǵa laıyq dep tanylǵan Batys qazaqstandyq Baýyrjan Shırmedınulyna 1 mln. teńge berildi. Árqaısysy 500 myń teńgeniń sertıfıkatyna ıe bolǵan Bekarys Shoıbekov jáne Aıbek Qalıev ekinshi orynǵa taban tiredi. Almaty qalasynyń týmasy Shuǵaıyp Sezimhan, shymkenttik Nurlan Esenqulov pen Qalıjan Bildash úshinshi oryndy ıemdense, olarǵa 300 myń teńgeniń sertıfıkattary tabys etildi. Qalǵan qatysýshylarǵa arnaıy júlde, Mádeliqoja, Maılyqoja, Qulynshaq, Kóppaı Omarov, Táýshan Ábýova, Orynbaı Taımanov jáne Qanybek Sarybaev atyndaǵy júldeler berildi.

«Naýryz aıtys» respýblıkalyq aqyndar aıtysy «Túrkistan» saraıynda qazirgi jaǵdaıdaǵy barlyq sanıtarlyq normalardy saqtaı otyryp ótkizildi.

Shymkent qalasy ákimdiginiń baspasóz qyzmeti

Pikirler