Bul týraly búgin Aqparattyq-kommýnıkaııalyq ortalyǵynda ótken baspasóz májilisinde Shymkent qalasy ákiminiń birinshi orynbasary Shyńǵys Muqan málimdedi.
– Bıyl Shymkent qalasynyń ákimi Murat Áıtenovtiń ıdeıasymen úshinshi megapolıs Naýryz meıramyn «Naýryz – Shymkentten bastalady» atty megajobamen bastady. Bul jobanyń ıdeıasy júzege asyp, búkil Qazaqstan halqy osy aıda Shymkentke betteıtindeı toılaý úshin birneshe jyl kerek. Oǵan qosa, negizgi maqsaty – parsy jáne túrki halyqtary Ulystyń uly kúnin halyqaralyq deńgeıde toılaıtyn merekege aınaldyrý. Iaǵnı, búkil álem halqy Japonııaǵa Sakýranyń gúldeýine, Gollandııaǵa raýshan gúlin izdep baratyndaı deńgeıge jetkizý. Bul merekeniń mıssııasy men fılosofııasy – osy, – dedi Sh.Muqan.
Brıfıng barysynda Shyńǵys Jumabekuly halyq jappaı merekelik serýenge shyǵatyn kúnderge toqtaldy.
– Shymkent qalasy byltyrdan beri «jasyl aımaqta» tur. Ótken táýlikte koronavırýs ınfekııasyn juqtyrýdyń 36 jaǵdaıy tirkeldi. Árıne, jalpy alǵanda asa kóp emes. Biraq epıdemıologııalyq ahýal qalypty bolyp turǵan joq. Sol sebepti Shymkent qalasynyń turǵyndary halyq jappaı merekelik serýenge shyǵatyn 21, 22, 23 naýryz kúnderi Ulystyń uly kúnin jyldaǵydaı dástúrli túrde toılaı almaıdy. Al biz tizimin bekitken 10 kúndik merekelik is-sharalar televızııalyq formatqa kóshiriledi, – dedi qala ákiminiń birinshi orynbasary.
Osy oraıda Shymkent qalalyq Mádenıet, tilderdi damytý jáne arhıvter basqarmasynyń basshysy Hanzada Esenova merekelik is-sharalar tóńireginde sóz qozǵady.
– «Naýryz – Shymkentten bastalady» megajobasy aıasynda búginge deıin 50-den asa is-shara ótti. Onyń ishinde ashyq alańdaǵy baǵdarlamalar aýa-raıynyń qolaısyzdyǵyna baılanysty konerttik zaldarǵa aýystyryldy. Bul rette merekelik keshter barlyq sanıtarlyq talaptyń saqtalýymen ári kelýshilerdiń sany shektelýmen uıymdastyryldy. Al búginnen bastap búkil merekelik is-sharany televızııalyq formatqa kóshirip, qorymyzdy keremetteı sáttermen toltyrýdy josparlap otyrmyz, – dedi Hanzada Ázimhanqyzy.
Aıta keteıik, «Naýryz – Shymkentten bastalady» atty jobasy aıasynda qalada 14 naýryz – «Kórisý» kúni, 15 naýryz – «Jer-kók» tabıǵat kúni, 16 naýryz – «Shejire» kúni, 17 naýryz – «Tarıhqa taǵzym» kúni, 18 naýryz – «Igi ister» kúni, 19 naýryz – «Shymyrlyq pen sheberlik» kúni, 20 naýryz – «Zııatkerlik» kúni, 21 naýryz – «Ulttyq taǵamdar» kúni, 22 naýryz – «Ulystyń uly» kúni jáne 23 naýryz – «Joralǵy» kúni bolyp belgilengen.
Shymkent qalasynyń Aqparattyq-kommýnıkaııalyq ortalyǵy
Foto – Serik Qosaı
