Shymkent qalasynda Musa paıǵambardyń serigi sanalatyn Qyzyr Paıǵambardyń 18-19 ǵasyrlarǵa tán tarıhı munarasy bar. Saıram turǵyn alabynda ornalasqan bul nysan - týrıstik, mádenı, erekshe nysandardyń qatarynda.
Munara álemge áıgili Pızan munarasy sekildi 15’S-qa ońǵa qaraı qısaıǵan. Nysannyń bıiktigi 10,5 m bolyp, jer silkinisiniń nátıjesinde qazir 5,7 metrge jetken.
Keıingi kezde munaranyń, ózge de eskertkishterdiń syrtqy kelbeti tozyp, kútip-baptaýdy, qurylys jumystaryn júrgizýdi qajet etedi. Osyǵan oraı qalanyń týrızm ortalyǵy meenattardyń kómegimen jańa jobany qolǵa aldy.
Bul jóninde qala ákiminiń orynbasary Maqsut Isahov óziniń áleýmettik jelidegi paraqshasynda bólisti.
«Jobaǵa alǵash bolyp qalamyzdyń turǵyny, meenat Myrzataev Baýyrjan myrza demeýshilik kórsetip, tarıhı munaranyń aýmaǵyn abattandyrýǵa qolǵabys jasap, jóndeý jumystaryn júrgizýde. Aıaqtalǵan soń, taǵy bólise jatarmyz. Qalaǵa degen qamqorlyqpen osylaı ózimizge jáne týrısterimizge jaıly qala jasaıtynymyz anyq» delingen jazbada.
Shymkent qalasy ákimdiginiń baspasóz qyzmeti
