Shymkent qalasynyń ákimi Murat Áıtenov Estonııa Respýblıkasynyń Qazaqstandaǵy tótenshe jáne ókiletti elshisi Heıtı Mıaemeespen kezdesti. Júzdesýde Estonııa men Shymkent qalasynyń arasynda ıfrlandyrý jáne ekonomıkalyq iskerlik baılanystardy nyǵaıtý joldary jan-jaqty talqylandy.
Estonııa Eýropadaǵy aqparattyq tehnologııalardy damytý boıynsha kóshbasshy bolyp tabylatyndyǵyn aıtqan qala ákimi ıfrlandyrý Qazaqstanmen yntymaqtastyqtaǵy mańyzdy baǵyt ekenin alǵa tartty.
- Estonııanyń IT kompanııalary qazaqstandyq naryqqa qyzyǵýshylyq tanytatyndyqtan, biz eki jaqty yntymaqtastyqqa qýanyshtymyz. Búgingi tańda álemde COVID-19 týdyrǵan qıyndyqtar kezinde elektrondy bilim berý, elektrondy densaýlyq saqtaý júıesiniń sheshimderi ózekti jáne ómirlik mańyzǵa ıe boldy. Osy turǵyda turǵyndardyń qolaıly ómir súrýi úshin sheteldiktermen jemisti qarym-qatynas ornatýdy jalǵastyra beremiz. Shymkent – Orta Azııadaǵy tartymdy qalalardyń biri. Megapolıs bolǵaly ınvestıııa kólemi de artyp keledi. Bizdiń birlesken jumysymyzdyń nátıjesi qazaq jáne eston halqynyń ıgiligi úshin jańa jobalar bolady dep oılaımyn, - degen Murat Áıtenov syndarly dıalogqa árdaıym daıyn ekendigin jetkizdi.
Kezdesý barysynda Estonııa Respýblıkasynyń Elshisi eki el Prezıdentteri men eki el halyqtary arasynda qashan da ózara senim men dostyq qatynastyń qalyptasqandyǵyn atap ótti. Sonymen qatar, qonaqtar qaladaǵy ındýstrııaldy aımaqtarǵa, balyq sharýashylyǵyn damytýǵa qyzyǵýshylyq tanytyp otyrǵanyn jetkizdi.
Aıta ketsek, 2018 jyly eki el arasyndaǵy taýar aınalymy 36 mln eýrony qurady. 2019 jylǵy onyń kórsetkishi 25,3 mln eýroǵa jetken (eksport – 1,9 mln.eýro, ımport – 23,4 mln. eýro).
Elder arasyndaǵy ekonomıkalyq yntymaqtastyqtyń basym baǵyttary - kólik jáne mehanıkalyq quraldar, hımııalyq ónimder, mıneraldar, metaldar, baǵaly emes metaldardan jasalǵan buıymdar bolyp tabylady.
Shymkent qalasy ákimdiginiń baspasóz qyzmeti
